港女：「毒L先用Android」列5大證明「Apple永遠世一」　網民：好落後！

Apple VS Android！港人力數5大證明指「Apple永遠No.1」

近日網上有一段街頭訪問片段在網上廣受熱議，皆因片段以Android和Apple 2選1為題，訪問路人使用那個系統比較多，而普遍港人指自己用iPhone，只有少量表示是Android用家，而其中一名男生指自己身為Android用家，認為「Down Game易D，又可以換嘢」，但同場另一女生即指「喺我心中用Android機嘅都係Kam X」，結果惹來熱議！

網民撐蘋果永遠No.1：憑呢5點證明係優勝D！

在討論區上，旋即有網民列出5大用Apple的優勝之處，如下：

1.憑用家就知先分級數

網民指，認為片中港女稱「用得Android都係Kam X」的說法非常認同，指「大部分明星、富豪都係用iPhone，你有幾可見佢哋拎部Android機」、「Edan、kayan9896、發哥佢哋都係用iPhone，一睇就知佔市場多數啦」；相反，大家都指「未見過Android機係有明星用，除咗賣廣告嗰時」、「喺街見親用嘅都係其貌不揚、打機毒男、或者D新移民」，更指「蘋果級數一眼就知，贏晒」。

2.Airdrop無可代替

網民指，朋友圈中最常用都是Airdrop，有此功能後「Send相真係好方便」，「唔通仲話喺WhatsApp慢慢Send咩，無Airdrop根本無朋友」。

3.Android用半年LAG到爆；iOS超級順

另外，有從Android轉投Apple的用家於網上分享，指「以前用An機唔洗半年就開始lag，鏡頭又易爆，幾年影唔到靚相，張張相都有低清filter；打從轉咗iOS，工作效率高咗，reach咩都快咗，用3-4年部機都得」、「Android真係用半年開始就瀨嘢，又易中毒，iOS順好多，成日有得Update」。

4.介面易用唔使諗

而有人指，用電話的一大重點亦是外形，指「iPhone唔講功能，淨係個樣都贏Android啲機幾條街，介面又易用咩都唔洗諗，老人家都識用；相反，「Android又要按呢樣嗰樣，根本唔user friendly」、「佢打字都麻煩啲，又扮晒多功能咁，根本唔好用，用完iPhone翻唔到轉頭」。

5.Apple手機係奢侈品，有優越感

而有網民更提出，iPhone不單是一部電話咁簡單，而是生活品味的象徵，指「其實佢係一種奢侈品，電話界嘅Hermes，你會唔會用慣Hermes無啦啦去用MK？唔理好唔好用，最緊要係個Branding」、「拎部新iPhone出街你會有優越感，拎邊部Android機你會覺得威？」

Android用家反擊：思想仲咁落後？

Android用家眼見蘋果粉絲的言論後，紛紛反嘲「思想好落後」，指自己雖然頗認同用Android機的都比較其貌不揚，但論功能上超拋Apple幾條街，指「Android機影相已經靚過iPhone幾十倍，而家出街邊忽仲聽到後生講要用Airdrop Send相呀，係你哋班蘋果圈老人家咋」、「其實就samsung外形已經吸引過iphone，襟唔襟用就唔知，但驟眼睇已經多功能過iphone」、「我部4年前三星s10，超級好用，改到好就手，用過one hand operation, good lock，youtube revanced extend返唔到轉頭」、「iPhone大把人轉晒會啦，小米、華為都多人用過佢呀」。