半島千金｜23歲A0半島千金節目徵男友！條件超驚人：我最愛錢！Julia Colfer香港豪宅超離地生活曝光
撰文：海月｜圖片來源：Julia Colfer IG、マルコポコリ！｜編輯：odin
半島千金｜23歲A0半島千金節目徵男友！
好多人都會覺得「男人應該努力賺錢照顧女生」，不過暗地裡其實唔少男性都暗地想過成為豪門女婿、或者「食軟飯」。不過原來想成為豪門女婿都唔容易，日前半島酒店集團董士局成員「Nicholas Timothy James Colfer」，英日混血半島千金Julia Colfer就喺日本綜藝節目公開徵男朋友，更分享自己喺香港及日本嘅「離地」生活，到底想成為豪門女婿有咩條件？
半島酒店集團董士局成員「Nicholas Timothy James Colfer」，英日混血半島千金Julia Colfer今年雖然經已23歲，不過佢就表示自己咁多年都仲係個「A0」。之前曾遇上一位心儀對象，更向對方送上一條3米長頸巾，不過估唔到禮物嚇怕對方，最後求愛失敗。佢日前更喺日本綜藝節目《マルコポコリ！》中公開徵男朋友，透露自己揀男友條件！
不過估唔到A0嘅Julia Colfer首要嘅揀男友條件，竟然係「有錢」，雖然Julia Colfer出身豪門，不過佢亦直言：我最愛錢，對方要係有錢嘅人、愈多愈好！擁有9兆係我嘅人生目標，想招擁有9兆日圓嘅男人做男友！
原來富二代嘅Julia Colfer，小時候開始就好愛錢，更曾向婆婆要9兆日圓作零用錢，可惜都係拎唔到，所以到現時自己嘅人生目標就係得到「9兆日圓」。不過此話一出，令在場主持人都相當愕然。
Julia Colfer自小就過著超離地嘅富裕生活，香港有一棟位於加多利山嘅5000呎獨立屋，包括4個客廳、5間房間、2個飯廳、2個廚房。而喺日本亦有一間超大型獨立豪宅，屋內不但擺滿好多價值連城名畫，更有超過18盞名貴水晶吊燈。
而作為半島富二代千金，Julia Colfer平日日常生活經已習慣有管家侍候，幾乎所有事都有別人幫忙，唔需要親力親為。喺屋企只要打電話俾管家，就會有人送上所需物品，而外出返學不但有名車接送，就連上落車去學校嘅路程亦由管家貼心抱著出入，全程雙腳絕不會碰到地面。原因竟然係Julia Colfer覺得「行路係一件麻煩事」，所以有次到達學校門口後先發現自己無著皮鞋。
而Julia Colfer因為父母家鄉分別係英國及日本，所以自小就經已經常出國，而每次搭飛機只會坐頭等機艙，所以亦係唔少航空公司嘅VIP。作為半島富二代千金，Julia Colfer亦經常入住各地半島酒店，搞大型Party亦只會喺豪華套房內舉行，出席嘅人都係來自名門望族、上流社會。大多時Julia Colfer外出用膳都係喺半島酒店或超高級餐廳，而食嘅嘢同樣都係最高級食材，好似日式燒肉就只會食頂級牛肋肉或牛柳，其他部位直接無視。
雖然身為一位富二代千金，不過Julia Colfer亦曾經想體驗一下平民生活，佢更表示曾到過時裝店應徵店員，可惜因為唔識摺衫而失敗。唔唐網民睇完節目，都表示：
Julia Colfer俾佢父母害死！日本真正公主都係自己一個返學
咁嘅生活，好難唔單身
大家又有無信心成為佢男友呢？
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
