廣告

當手機沒有上網只可以玩下貪食蛇嘅年代,唯一嘅樂趣除了睇電視,就是每星期風雨不改咁買本青少年雜誌瞓係梳化上面慢慢享受。80/90後的你,以下這5本雜誌又陪你渡過了多久的小學雞時代?

text-Gabriel photo-網上圖片

90後童年必睇雜誌!

1.兒童周刊
1990年推岀第一期創刊號,兒童週刊為我們服務18年,並且於2008年3月28號,亦即是第914期正式停刊。與其它雜誌相比,兒童週刊可能比一般兒童雜誌更有教育意義,因為不多不少都會加插一些人生大道理的故事於書中,另外當然會有一眾細路最喜歡的環節啦,例如介紹下期最熱目的動畫,甚至是電腦遊戲攻略。至於漫畫方面,自家岀品的《元氣一族》相信是最耳熟能詳!
主角係元氣仔同木獨妹。

 

2.快樂龍
1999年創刊的快樂龍盛載著很多小朋友的歡樂,每星期期待的除了是它的連載漫畫,例如《寵物小精靈》、《洛克人》,爆笑的《田中太郎》,當然仲有每期隨書附送的禮物和抽獎啦!快樂龍每期都會介紹當下潮流産品,好像手機、模型還有online game !更會邀請讀者投稿及投寄主題畫作。
喺快樂龍上邊見到自己個名同畫真喺威過龍咁威㗎!不過佢喺2010年岀埋個一月號就停咗刊啦……

3.CO-CO!
直到今時今日仍在岀版的《CO-CO!》,絕對是很多90後童年的精神寄托。
買得《CO-CO!》的朋友仔應該都是漫畫粉絲,《超級彈珠人B-DAMAN》、《新機動戰記》系列、《數碼暴龍》系列 ,同埋近年的《閃電十一人》都曾經在《CO-CO!》 上連載過。
除漫畫外,不得不提每期抽獎和送禮環節,印象中當時抽獎的獎品非常吸引,既有可能是爆龍機又有可能是GBA!
唔知嚟緊十月岀嗰期又會送咩呢?

4.天馬行空
天~馬~行~空!(葛民輝電視廣告把聲)
大家對呢本青少年雜誌又有冇印象呢?
雖然岀版時間一點都不長,不過小篇則對其包裝非常深刻,當快樂龍同Co-co!都只是用透明膠袋包妥的時候,天馬行空是以整個紙盒包裝面世!盒子內除了雜誌之外更有一系列贈品!
小篇最記得就係個隻食神嘅DVD同埋HxH嘅膠錶!同一般青少年雜誌一樣佢都喺連載下漫畫,介紹下呢期有咩好玩,不過要講最深刻嘅一定係個篇極詳盡介紹神奇水馬騮嘅文章(因為個陣小編睇到好想買)。

5.Yes!
細數了四本男生雜誌,是時候細閱一下《Yes!》這本治癒女生心靈之作,這本富有話題性的雜誌為女生們解決了不少愛情煩惱,每一期都有不同嘅愛情欄目,像《戀愛教室》、《星座備忘錄》、《Miss Sex》及《愛情急症室》等等,吸引情竇初開的女生投稿盡訴心聲。另一賣點,相信是Yes! 的校花校草選舉了,不少藝人都曾經登上過Yes!校花校草選舉,如黃宗澤、袁偉豪同埋Stephy等等。
除此之外,相信大家都有買過Yes! Card、又或是收集下偶像贈品,File、海報同埋八達通套等等。不過《Yes!》 最後都敵不過歲月,係2014年停刊。

今時今日,仲邊有𡃁仔買青少年雜誌睇啊,買得嘅應該都係買補充練習㗎啦…….

內容延讀
90後獨家回憶!6套男生熱血日本卡通
>>>Like我們FB<<<

https://www.facebook.com/newmonday.com.hk/

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

關鍵詞
90sCo-co!Yes!