68歲女星Lyn May宣布高齡成人母！經手人原來細佢40歲、男歌手IG被Tag先知做咗爸爸！
撰文：海月｜圖片來源：Lyn May IG
68歲女星Lyn May宣布高齡成人母！
68歲墨西哥女星Lyn May喺70年代投身當地影圈，因為出道前曾擔任艷舞女郎，所以喺墨西哥亦有相當話題性。不過最多人講嘅絕對係佢嘅私生活同感情事，因為Lyn May曾結過7次婚，亦離過7次婚，最驚人嘅更係佢曾自爆同墨西哥某前總統有染，震驚全國！
今次Lyn May就突然喺個人IG上宣布懷孕3個月，更大爆BB父親係只有29歲嘅男歌手Markos D1，而且更喺發文附上幾張二人私下及出席活動親密合照，更大膽Tag上Markos D1。
不過，Markos D1就表示自己根本對此毫不知情，堅稱二人從未拍拖，而合照係2019年跟Lyn合作拍MV時所影，更只係曾經「共度一夜」。因為Markos D1數月前曾跟Lyn May一同參與電視活動，事後因為飲多咗醉至不省人事，Lyn May邀請一同叫車離開，更表示自己住太遠，可否到Markos D1房中過夜。而Markos D1隔日醒來表示「琴晚咩都唔記得曬」，但稱二人各自瞓喺唔同床上。
Markos D1又指事前無收過Lyn May任何通知，直到喺IG被Tag入Lyn May「陀B」帖文，之後收到好多人祝賀短訊後才得知消息，對Lyn May嘅行為感到瘋狂。不過Markos D1表示：如果Lyn May確實懷孕，亦願意幫助及陪伴對方。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
