5件感動700萬香港人的未來發明

熱話

廣告

Dyson早排舉行咗首屆James Dyson Award香港區比賽,呢個大型國際設計比賽,嚟自世界各地嘅參加者最終只有1個人獲勝,而因為Dyson嘅品牌名氣,所以工程設計界都非常重視,唔少過往嘅得獎作品都可以搵到科技公司投資及研發生產,因此由呢個比賽中,多少可以窺探出未來科技嘅走向。比賽早前已選出咗香港區冠軍,將有機會代表香港出戰國際決賽,入圍名單喺9月17日就會公布。而家先睇冠軍作品,由理工大學嘅Emily設計出帕金遜症病人專用馬桶及其餘4件入圍概念gadgets,唔止全部都好勁,重要真係已經生產咗(距離量產當然好遙遠),唔係得個吹字,香港工程設計未來靠晒佢哋。

text-Nam photo-網上圖片

01
帕金遜症病人專用馬桶Libue
James Dyson Award香港區冠軍,就係呢個專為帕金遜症病人設計嘅馬桶Libue,設計者係理工大學學生鄧曉瑩(Emily Tang)。由於佢祖父係帕金遜症病人,佢發現到原來好多病人,連去廁所咁基本嘅事都好難做到,所以設計呢個前後都用得嘅馬桶,當病人有需要時,唔使再擰轉身坐低,加上用輕觸式LED按鈕操作,同時有日式廁板咁嘅自動清潔功能,用落非常方便。至於一般人想用正常坐姿去廁所時,只要抽番起上面塊坐板就得,成個過程唔使30秒。

Emily話最難解決係馬桶要做到2合1呢件事,另外亦要控制成本到合理價錢,唔能夠太離地,故此用嘅技術都係已有,佢只負責將技術結合成新科技,呢方面又慳咗唔少錢。可能你會諗,騎馬咁去廁所,個個馬桶都得啦!但你只要自己試一試就知,正常人咁做已經難,何況係病人呢?其實Libue要造到坐得舒服又能2合1,背後過程非常辛苦,因此Libue已經得到唔少業內人士及公司肯定,連政府機構都已經搵咗Emily傾合作,據聞入圍國際賽機會好大。如果你個人唔膚淺,好有興趣知,不妨去Dyson香港官網睇睇,絕對有嘢學。

02
災場救援機Singa
由理工大學張健隆同學設計,目前嘅救災工作中,重型機器若惡劣嘅路面情況,好難順利通過,而且做唔到細緻操作,駕駛艙位置亦不利觀察地面情況。Singa解決咗以上所有問題,採用1個獨立嘅爬行系統,4個車輪可以單獨操作,就算崎嶇、凹凸不平嘅沙地表面,機器都可以行走。

內容延讀:

>今日冧咗女未?DIY進階版夜光星空瓶

>龍珠悟空亂入《街霸》你估下邊個係最後BOSS?

03
沼氣煮食爐MARCook
由理工大學張芷楓同學設計,香港堆填區即將飽和,廚餘就係城市固體廢物嘅主要成分,利用廚餘作為燃料煮食絕對係win win。MARCook就將廚餘儲存艙縮細,相比起傳統沼氣爐體積細咗50%,同時加入石油氣轉換系統,只需以1公斤廚餘,就可提供20至30分鐘煮食所需嘅氣體。

04
廢物單車冚Bike Raincoat
同樣係由理工大學張芷楓同學設計,唔同一般單車雨冚,大多數只係保護到座位同把手位,呢個簡單嘅雨冚,唔止包晒全架車,重係用廢物利用嘅PP物料袋縫製而成,唔用嗰時更有位俾你摺疊,放喺單車後面做座墊,慳位又有功能,量產嘅話,可以支持下。

05
視障兒童都玩得Zoo The School
由理工大學劉彥慈同學設計,呢啲動物公仔,都係俾6至8歲有視障問題嘅兒童玩,配合講故事應用程式,設計出玩具套裝。同時呢啲公仔都適合視力正常嘅小朋友玩,咁就唔怕視障兒童冇朋友啦。
James Dyson設計獎
國際決賽優勝者1名:
-優勝者可獲頒港幣350,000元
-優勝者就讀的大學學系可獲頒港幣58,000元
-James Dyson設計大獎獎座

國際決賽優異獎2名:
-每名得獎者可獲頒港幣58,000元

香港冠軍1名:
-得獎者可獲頒港幣24,000元

國際決賽入圍名單公布:2015年9月17日
國際優勝者名單公布:2015年11月10日
查詢:James Dyson Award 2015


內容延讀:

>今日冧咗女未?DIY進階版夜光星空瓶

>龍珠悟空亂入《街霸》你估下邊個係最後BOSS?

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There are 4 comments

Add yours
  1. 新Monday / 【e少】卷紙上的藝術

    […] 【Sky Walker by e少】「巡查」洗手間(俗稱「check廁所」),眾所周知,是我們空服員工作的一部分,也是很多同事討厭的職責之一。不過,大家還是會努力地「check廁所」的,除了是看看有沒有人偷偷在裏面做些「不應該的事情」(別誤會,我是指吸煙)外,無非是想大家在九霄雲外,有個愉快的如廁經驗。 飛機的洗手間,其實無異於1個公廁,而且還要男女共用,大家亦心知肚明,不是人人都有良好的使用習慣,某些人使用後,就是不沖水、地面鏡子洗手盆是濕漉漉的、廁紙亂丟一地、馬桶旁總是有些疑似因眼界不太準繩而留下來的黃色液體(甚至是便便!)、擦過屁股的廁紙放在抽屜裏……真的是要多恐怖有多恐怖,但,我們還是會耐心清理的啊,而且還要確保洗手間有廁紙供大家使用。 同事在「check廁所」後,都會慣性地在卷紙上摺個小三角(見圖a),除了讓用家較容易拉出廁紙外,也是1個給其他同事的訊息:「這個洗手間剛巡查過了。」亦同時告訴前輩:「我們沒有躲懶,這項厭惡性的工作,我都做了。」 […]


Comments are closed.