光速整有益早餐!4款明星都飲嘅早餐smoothies

熱話

廣告

正所謂一日之計在於晨,唔食 早餐 會頭暈。之不過個個打工仔嘅朝頭早,都趕到好似打仗咁,邊有時間慢慢食個有益又豐富嘅 早餐 ?既然冇時間食,咁不如飲啦!講緊嘅係歐美大熱嘅 早餐 smoothies,即係將一堆有益嘅生果、蔬菜加埋牛奶同乳酪等等嘅食物,掉入個攪拌機到整成嘅奶昔狀飲品。「Good」一聲飲完就當食咗 早餐 ,快捷又好味。今次就教你整4款零難度smoothies,不過你首先要有部攪伴機先囉!

text-Emily (ig:emkiuuuuuuuu)photo-Hinnn、網上圖片

健康到震!齊飲早餐smoothies

1. 蘋果香蕉肉桂Smoothie

呢款飽肚感十足嘅Smoothie,好多外國明星都鍾意飲。蘋果和香蕉含大量鎂,可以令皮膚有光澤,同時有抗衰老作用。杏仁能促進皮膚微循環,令面色紅潤。而肉桂更加有排毒減肥嘅功效。

材料:蘋果1個、香蕉1條、杏仁5粒、脫脂Greek yogurt3/4杯、脫脂牛奶半杯、肉桂粉1/4茶匙

 

2. Karlie Kloss 黑莓朱古力Smoothie

Taylor Swift嘅名模老友Karlie Kloss身材操得好fit,平時咁大運動量,早餐緊係要食得飽。聽聞佢朝朝都會飲呢款Smoothie,材料簡單易準備,而且重好鬼好味添!

材料:無糖杏仁奶1杯、朱古力粉1羹、香蕉1條、黑莓1杯

Gwyneth Paltrow 雖已經年過40,兼且生咗兩個,但望落重好後生,皮膚又白又滑。其實佢平時飲食好講究,尤其係早餐,一定要飲菜汁,而呢款菠菜波蘿Smoothie,就係佢嘅最愛,菠菜嘅營養多到講唔晒,美顏又排毒,唔怪得Gwyneth keep得咁好啦。

材料:菠菜60g、香蕉1條、波蘿120g、蜜糖1羹、脫脂Greek yogurt 3/4杯

4.Jennifer Aniston 車厘子Smoothie

Jennifer Aniston不嬲都係美國人最愛嘅女星之一,自從佢介紹過呢款車厘子Smoothie之後,好多美國女仔即刻跟佢飲。車厘子有超多鐵質,好補血,女仔飲最啱。杯嘢重要粉紅色勁靚,整完post上網呃like一流!

材料:車厘子1杯(事前雪凍)、香蕉半條、朱古力漿2茶匙、清水半杯、合桃5粒

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There are 10 comments

Add yours
  1. 新Monday / 晏晝食乜好?教你整Salad In A Jar彩虹沙律

    […] 自從教大家整smoothie做早餐之後,有好多朋友仔問我:「早餐搞掂咗,咁晏晝嗰餐呢?我冇理由帶個攪拌機返公司啩?」攪拌機就唔使喇,帶個樽返工得唔得先?講緊嘅就係由歐美紅到嚟亞洲嘅樽裝沙律「Salad In a Jar」,個名好似好勁,其實只不過係將啲沙律材料,逐層逐層咁放入個玻璃瓶度,放得靚靚哋又可以呃like,又係零難度,以後食lunch唔使出去同人迫啦! […]


Comments are closed.