香港連鎖冰室24元賣6條菜心｜餐廳堅持份量正常 網民這樣解話？
$24驚現6條菜心 平均$4一條
事主早前喺Threads大吐苦水，發文直斥「香港物價幾時變到24蚊6條菜心？？」從上載嘅相片可見，半透明嘅外賣餐盒內只得薄薄一層醬油，孤零零咁躺住6條得手指咁長嘅菜心，菜葉極少，成個盒空位多過餸。有網民計過條數，平均要$4先買到一小條菜心，直言定價同份量極度離譜。
餐廳企硬反擊 堅稱份量正常
最令事主激氣嘅係，當佢向外賣平台作出投訴後，平台回覆表示已聯絡商家核實。點知涉事冰室竟然企硬，表明「蠔油時菜嘅份量係正常出餐」，只係拋下一句「望閣下諒解」。有眼利網民從單據認出涉事餐廳為「敏華冰廳」，直言對其質素「不意外」，更有苦主分享自己堂食試過得5條，反映「縮水」似乎並非單一事件。
網民寸爆揭底牌：招牌值$20
面對餐廳嘅「正常」定義，一班精明網民紛紛化身街市格價專家，指出依家菜心苗市價大約只係$10一斤，直指「街市$12兩斤，一條友食足一星期都得」。有人搞笑猜測會唔會係「外賣員偷食」，或者係「$10運費、$10平台費」。更有網民一語道破連鎖店嘅定價潛規則，寸爆話：「個敏華招牌已經佔咗$20，$4係菜心。」
外出叫菜成智商稅 兩餸飯更划算？
呢單「6條菜心」事件隨即引發全網共鳴，唔少人感嘆喺香港出街食菜真係極唔抵，隨便一碟蒜蓉炒菜心都要七、八十蚊。大批網民認同「出去食嘢叫菜係智商稅」，寧願幫襯兩餸飯，事關「啲阿姐都會夾好多菜畀你」。雖然有人幫口話餐廳要計租金同人工，但普遍人都覺得6條菜實在太過份，最終一致得出結論：想食平菜，始終係自己買返屋企煮最划算！
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨，信不信由你！不少朋友都喜歡想當年，香港懷舊小食及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！