颱風小犬丨Now TV記者車軒珩震晒口報風暴實況 原來曾係辯論校隊成員
颱風小犬丨Now TV記者車軒珩報颱風口窒窒
Now TV記者車軒珩到杏花邨報道打風實況，晝面所見當時風力未算強勁，在她身後仍有途人到海旁觀浪，但在短短約1分鐘報道中，車軒珩卻表現得相當緊張，頻頻「食螺絲」，令配合報道的手語翻譯都停晒手，令場面好尷尬，亦引起網民熱討。
有網民力撐：出面真係好凍唔好笑佢啦
有不少網民都非常同情車軒珩，指她應該是凍到牙骹震，所以才會口窒窒，但仍可以感受到她好努力地想說好每一句話，亦有網民猜測她是因為打風又黑雨而被嚇親，紛紛留言：「出面真係好凍，唔好笑佢啦」、「佢好似好驚」、「打風被迫去杏花邨？」、「記者真係好辛苦」、「係咪第一次出鏡所以緊張？」、「陰公，好想畀啲溫暖佢」等。
有網民估中風：一個字都聽唔到
但亦有網民狠批車軒珩表現太離譜：「開頭以為佢中風」、「痴線，一個字都聽唔到佢噏乜」、「我都睇到1999…係咪take左野」、「Feel到camman好尷尬，都唔知影唔影落去好，以為會慢慢mute左佢把聲」等。其實車軒珩入行做電視台記者已有兩年，並非首次做戶外直播，據指之前也試過出現過口窒窒問題。
2021年報「圓規」無口震震
2021年10月，車軒珩曾站在河流中央報道8號波「圓規」消息，但由於當時河邊明明有平地，因此也曾引起網民討論她為何要站在「水」中央作報道，不過當時她就無口震震。
曾是珠海學院辯論校隊成員
車軒珩畢業自香港珠海學院新聞系，在學期間曾是辯論校隊「珠海粵辯」的成員，又曾到港台及報章實習。2021年大學畢業後，她加入有線新聞擔任記者，今年3月過檔NowTV。
有片睇！
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
