韓國hit爆解酒雪條真係解到酒? 再教你4種極速解酒法

熱話

廣告

飲勝飲到清……香港人壓力大,好多人都會放工後飲兩杯,大壓力的人就會飲多幾杯,飲得多,當然就會--醉。香港坊間有不少醒酒與解酒秘方。最近韓國就推出了一款解酒雪條「Gyeondyo-Bar」,中文可以譯做「頂住呀」雪條,聲稱飲到wing wing哋「啪」番條就可以清醒番喎,點解嘅?點解咁犀利嘅?

text- 專題組

Gyeondyo-Bar係西柚味嘅雪條,製造商聲稱製作雪糕嘅原料裏面注入了一種叫北枳椇(Hovenia dulcis,又稱萬壽果樹)果實的汁液。

 

尖沙咀韓國街店考慮入貨

原來韓國喺17世紀,已經用呢種北枳椇嘅果實汁液俾啲飲醉咗嘅人解酒。近來亦有醫學界證實北枳椇的確具有某種物質可以幫助身體將酒中嘅乙醛分解。問題係要食幾多條先夠解酒呢?不過你咪理,韓國酒鬼唔少,1年酒精銷售額達10億港元!Gyeondyo-Bar絕對不愁沒市場。筆者走咗去尖咀韓國街一轉,問晒所有韓國雜貨店,佢哋都話未有得賣Gyeondyo-Bar住,但都考慮會入。

再醒你 極速解酒大法

冇Gyeondyo-Bar食,唯有用番傳統醒酒法!就等作為酒鬼20幾年的筆者教大家幾個真係work的實用解酒法!

醒酒大法1:隊寶礦力

其實好多時飲醉酒時都「夜媽媽」,只有「7仔」有開,於是乎最方便、最正直同最有效嘅解酒利器,就係寶礦力。簡單嚟講,飲醉時身體會脫水,而身體分解酒中嘅乙醇亦需要大量水份,呢個時候最好就係買支「大寶」,慢慢飲,但要飲晒佢。這樣起碼可令身體酒精濃度稍減。

內容延讀:
10種唱K一定遇過的人!咪霸你唞下可以嗎?
NIKE OUTLET勁返貨 GYAKUSOU超平 11件必買推介

醒酒大法2:食醋解酒法

食醋解酒法嘅原理之一,係酒中嘅乙醇與醋中有機酸起脂化反應,因而可降低人體內乙醇濃度。食醋可以以下方式製作成解酒食品:

  • 用食醋煮碗酸湯服用。
  • 將一小杯(20至25ml)食醋慢慢服下。
  • 食用用食醋加白糖浸漬過嘅一大碗白蘿蔔絲。
  • 將用食醋浸漬過嘅2個松花蛋食用。
  • 將食醋50克、紅糖25克、生姜3片,用水煎煮後服用。

尖東忌廉哥光榮退休 7大威水史回顧

醒酒大法3:蜂蜜治酒頭痛

蜂蜜當中含有1種特殊嘅果糖,可以促進酒精嘅分解吸收,繼而減輕頭痛症狀,尤其係紅酒引起嘅頭痛。

另外,蜂蜜重有催眠作用,能令人好快就入睡,第2日起床後,都唔會因宿醉而頭痛。

 

醒酒大法4:葡萄治酒反胃惡心

葡萄中含有豐富的酒石酸,能與酒中的乙醇相互作用形成酯類物質,總之可以達到解酒目的啦!如果喺飲酒前吃,重能有效預防醉酒。

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!