【綠帽危機】不停出夜街！老婆被40歲有錢高層力追、港男唔想離婚瞓公園逃避：我無力再撐落去

【綠帽危機】老婆被40歲有錢高層力追 老公逃避現實露宿公園

誰人又相信一世一生這膚淺對白~有位港男就喺連登出post稱自己4年婚姻遭遇第三者入侵危機，自己疑似被帶綠帽。呢位巴打稱，自己就到三章，但同老婆感情因為今次肺炎疫情而出現嚴重裂痕。

巴打話佢地兩公婆由中學開始拍拖，宜家已結婚4年。因為受到新冠肺炎疫情影響，兩公婆一齊失業。雖然，經過一番努力之後老婆就在藥廠公司搵工，任職人事部。佢自己就搵到月入兩萬嘅飲食業工作。

貌似守得雲開見月明 實際綠雲蓋頂

睇上去一切重回正軌之際，巴打發現老婆因為份工嘅關係，身邊出現咗個40歲嘅高層同事，喺明知對方有老公嘅情況下都，特意放工車佢老婆翻屋企。

3個月前，巴打仲未搵到工，處於事業狀態。佢老婆就向果位40歲高層透露自己老公失業，兩人仲肆無忌憚咁食飯行街。

更過分嘅係，呢位巴打嘅老婆放假都約高層去蒲。巴打形容佢地二人愈來愈曖昧。巴打有嘗試過直接同老婆抱怨，希望老婆注意分寸，點知老婆居然敷衍咁話兩人係朋友，更過分咁講：「唔信嘅，結婚都無意思啦，仲話想離婚。」

巴打唔想離婚 無法面對老婆選擇露宿公園

面對種種綠帽疑雲，呢位巴打都話並唔想離婚。呢位巴打就認真情根深重。不過，佢都冇辦法面對疑似派帽俾佢嘅老婆。佢最後為逃避現實，收工後唔翻屋企，而係到公園露宿……佢更悲鳴：「我已經無力再撐落去」。

不少網民都擔心佢心理狀況和精神狀況，小編都希望佢可以帽事。