老母堅信「萬物放入雪櫃、就永遠唔會壞」！港男多次中招！
撰文：Andy｜圖片： 香討、Lihkg截圖｜編輯：海月
老母堅信萬物放入雪櫃就永遠唔會壞 港男多次中招
近日，有巴打喺香討出文抱怨，自己媽媽對於雪櫃冰格有自己獨特嘅見解，佢一直覺得只要將所有食物放入雪櫃冰格冷藏，果D食物就可以無視過期日期，全部永久保存落來食用。
唔合點解老母會有呢個諗法，佢覺得所有嘢只要放入冰格凍住佢，就可以無視過期日期……
之前已經有幾次食完個肚唔舒服，我都叫過佢好多次，執下個冰箱，過期就唔好要啦……佢又唔聽
真係費事佢個肚又唔舒服，尋日決定幫佢執下個冰箱，唔執都唔知……打邊爐啲丸有三袋，有一袋我仲認真係前年食淨嘅……放咗入冰箱深深處……
仲有三盒牛油，有一盒已經過期一年……
睇睇下仲有啲凍肉……花膠……面膜……
我都唔明點解個冰箱都唔大，但係可以放咁多嘢入去……
最後幫佢清走三份二個冰箱……
點解點解老人家會覺得塞入冰箱都可以唔過期……點解咁細個冰箱可以放咁多嘢？？？
你哋係冰箱搵到最奇怪嘅係乜？？？
事主表示已經有幾次食咗啲「萬年冷藏」食物後中招，搞到自己個肚唔舒服。佢亦多次叫媽媽整理同清潔下個雪櫃。將冰格入面過期嘅食物清理走，但佢媽媽完全唔聽佢講野。結果網民食後多次肚痛，摷雪櫃時發現更多過期食物，深感無奈。
為求自保，事主決定親自執冰格清理過期食物，為免再有人食後中招。唔清理唔緊要，一摷雪櫃時，事主發現更多過期食物，佢都覺得驚訝加震撼。
佢搵到有3袋「打邊爐丸」，期中1袋是前年食淨落嘅，被放入冰格深處。仲有3盒牛油，其中一盒更係已過期1年！還有凍肉、花膠、面膜等過期物品不勝其數⋯⋯
最後事主無奈咁話：「我都唔明點解個冰箱都唔大，但係可以放咁多嘢入去……點解老人家會覺得塞入冰箱就可以唔過期，點解咁細個冰箱可以放咁多嘢？」
網民熱議 雪櫃過期食物千奇百趣
聽完事主分享之後，網民都紛紛分享自己奇奇怪怪嘅雪櫃過期食物。有人雪咗成梳香蕉；有人放咗嘅保溫壺；亦有人將老麥新地雪咗一個月；仲有人雪爆咗可樂，仲凍死埋D螞蟻⋯⋯
其他網民發現：
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
