醒你白卡變閃卡攻略《龍珠Z Dokkan Battle》

text-Nam photo-網上圖片

《龍珠Z Dokkan Battle》

系統：iOS / Android

地區：日本

售價：Free（課金制）

《大富翁》玩法過癮
簡單介紹下《龍珠Z Dokkan Battle》，主要分為《大富翁》式嘅行動mode同puzzle式嘅戰鬥mode，後者雖叫做puzzle，但其實設計簡單，5×5唔同顏色嘅「氣」代表唔同屬性，只要同色就會相連組成combo，但你只能點擊最前排嘅「氣」去串連，感覺上講運多過講技術。因此技巧主要集中喺行動mode，雖似《大富翁》，但每回合都會有3個步數俾你揀，點樣決定行動路線、留番咩步數先食到罕有道具等，就係靠你智慧，玩落都幾過癮。

戰鬥mode設計話就話簡單，但角色出場次序都好緊要，因為有屬性相剋，如「體」打「知」比較有利，就唔好俾「知」嘅角色同「體」對打。

打到啪啪聲都係全自動嘅，不過每次戰鬥都非常精采，好似睇動畫一樣，係呢隻App嘅賣點之一。

只要打低對手，佢重會飛向螢幕製造「爆芒」感覺，正呀！！

行動mode主要考你計數，留起有用嘅步數去攞裝備、道具甚至龍珠，集齊7粒真係可以叫神龍出嚟許願俾道具你，不過好罕見，見到一定要攞。

>

內容延讀

>玩埋心理測驗，即check你係《龍珠》邊個角色

>打完機，撈埋《龍珠》比達代言合味道杯麵廣告

白卡變閃卡 得咗！
遊戲角色十足以前萬變卡咁，基本分為SSR、SR（閃卡），同埋R、N（白卡）。可惜要抽到SSR閃卡角色，同抽AJ 11一樣咁難，好在所有新手玩家，佢都肯定會出1張閃卡俾你開心下。不過，養閃卡所需金錢同時間都極高，新手好難升到最高等級，所以喺度分享1個養卡心得，就係先升滿冇用嘅白卡，再攞去俾閃卡做「修業」（即係合成），因為每張卡每個等級嘅修業經驗都大約相差10倍，而白卡又非常易升滿，比帶張閃卡慢慢打人升級快得多。另外，R同N卡嘅修業經驗亦同樣相差10倍以上，所以有得揀一定養R卡，而且當R卡升到最高LV後，重可以通過「覺醒」變成SR閃卡，到時唔止戰力大增，甚至會冇埋屬性相剋問題，攞去修練又得，直接帶上戰場都得。

提提你，每張角色卡都有被動技，打開卡嘅資料先會見到，如我張SR超西悟飯就有招「本領發揮」，HP80%以下攻防都會提升25%，係唔錯嘅技能。

除戰鬥外，通過修業一樣可以快速升級，等同一般嘅「合成」系統，另外亦能靠「修業ITEM」同「場地」提高經驗值。

食正《龍珠Z：復活的F》上映，遊戲都有出現SSR嘅超級撒亞神SS悟空，能力高到離譜，可惜我同好多人一樣都係抽唔到，睇下當擁有。

R卡升到最高LV後就可覺醒變成SR閃卡，屬性更會多個「超」字，顯示佢不受屬性相剋限制，某啲R卡如未變身前嘅孫悟飯，滿級後能力都唔
輸俾超西角色呀！

>玩埋心理測驗，即check你係《龍珠》邊個角色

>打完機，撈埋《龍珠》比達代言合味道杯麵廣告