農曆七月鬼節｜盤點盂蘭節20個禁忌 夜瞓都唔得！一唔小心好容易中招！
七月十四盂蘭節︳1.忌著紅衫、黑衫
雖然黑色衫可以顯瘦，不過一眾「朋友仔」其實最鐘意就是依附喺黑黑沉沉的顏色上面，所以喪事主要也是「黑」和「白」兩種顏色。另外，「紅色」對一些力量強大、甚至枉死的惡靈來說，也是相當吸引及標奇立異的顏色，容易惹他們注目。如果不希望「朋友仔」跟住返屋企，就要留意下喇。
七月十四盂蘭節︳2. 夜瞓
相傳農曆七月十四日盂蘭節時，人氣最虛的時候就係深夜，所以太夜瞓都可能出事。
七月十四盂蘭節︳3.請勿自己一人
「今天你注定一人」，這個人人也不想發生的事，也是所有大時大節都適用的禁忌。因為如果在農曆7月時經常只有自己一個，就很容易引起「朋友仔」的注意。不想跟「朋友仔」真的當朋友的話，還是多點找朋友相伴吧。而且午夜正是最陰的時候，夜遊就特別要留意回程時間。想安全點，還是早點回家返屋企吧！否則等等行行下又會俾「朋友仔」帶咗去…
七月十四盂蘭節︳4. 聽到有人嗌你，唔好望返轉頭
農曆7月晚上獨自歸家自然危險倍增，因為陰氣大而一個人陽氣有限，所以特別容易遇上「朋友仔」。當晚上聽到好似有人叫你時，唔理三七二十一，千萬別衝動回頭望！出聲回應也不可，因為隨時是「朋友仔」叫你落去跟他一齊玩。
七月十四盂蘭節︳5. 切忌夜晚亂影相
如果你鐘意無時無刻都拎部電話出嚟影相，有人又影，冇人又影，盂蘭節晚上就最好唔好，廢事當你打開相簿開相來看，隨時會在相中看到意想不到的影像……
七月十四盂蘭節︳6.鬼節切忌游水
正所謂「欺山無欺水」，不少民間傳說都有指「朋友仔」特別鐘意聚集在濕的地方。而且「水鬼找替身」也是經常聽到的傳言，所以為保生命安全，農曆7月更加要避免玩水喇。
七月十四盂蘭節︳7.披頭散髮訓覺
隨著「鬼門關」大開，四周都是投不到胎的遊魂野鬼。如果在睡前不先吹好頭髮就訓，隨時會被「朋友仔」誤以為是同類，叫埋你起身去食宵夜，咁你真係要諗下去食咩喇。
七月十四盂蘭節︳8. 切忌靠牆而行
牆壁，向來都是「朋友仔」鐘意依附休息的地方。如果你貼牆而行，就有機會影響到他們休息嘅地方，所以盡量就不要貼牆而行或訓喇！
七月十四盂蘭節︳9. 半夜晾衫
頭先說過「朋友仔」好鐘意聚集或依附在濕的地方，不過濕的東西亦會令他們難以脫身，濕的衣服亦不例外。所以如果你半夜晾衫，就跟開壇捉鬼分別不大，何況在農曆7月呢。
七月十四盂蘭節︳10. 執路邊紙錢、祭品
農曆7月有不少街坊都會進行「路祭」，所以很大機會外出時，會看見街上會有好多紙錢及祭品放在地上。不過千萬別見到就執啊！因為紙錢及祭品都不是給你「享用」的！如果你誤踩或拿走，後果不堪設想！
七月十四盂蘭節︳11. 外出時請勿周圍亂望
唔好四圍望喇！不是鬧緊你，而是如果你不小心看到「朋友仔」，又比他們嚇親，那你就中計喇。因為這個時候，正正就是被他們上身的好時機。
七月十四盂蘭節︳12. 切忌亂吹口哨
雖然懂得吹口哨非常帥氣，不過也是引起「朋友仔」興趣的一點，所以晚上就別亂吹口哨喇！
七月十四盂蘭節︳13. 不要叫人全名
農曆7月，就連晚上跟三五知己、屋企人外出，也不同叫人全名。因為當「朋友仔」聽到及記得你全名時，就會方便隨時搵你。
七月十四盂蘭節︳14. 拖鞋頭朝床的方向
相傳「朋友仔」會看鞋頭的方向來判斷生人在哪裡，如果鞋頭朝床頭擺，那麼「朋友仔」就會上床和你一起睡。
七月十四盂蘭節︳15.切忌！不要搭身邊人膊頭！
所謂「人有三把火」！中國傳統認為人的頭頂、左右膊頭都各有一把火，用以保護自己免受外力入侵。所以當你搭人膊頭時，誡黎冚熄把火，俾多個機會「朋友仔」上身喇。
七月十四盂蘭節︳16. 切忌走廊冇燈
有時候，走廊很難有光線進入。而長期不見光的地方，容易令「朋友仔」聚集，在農曆七月就更加係熱鬧添啦。所以如果你屋企有條長走廊，就最好裝返盞燈。
七月十四盂蘭節︳17. 掛風鈴於床頭 / 窗邊
風鈴清脆的聲音不單只會吸引你，更會吸引到「朋友仔」。如果床頭或窗邊有風鈴，勸你在農曆7月先收起。
七月十四盂蘭節︳18. 偷食祭品
燒肉好好味，橙又有豐富維他命，開餐先！相信大家都有自制力，不過如果屋企有小朋友，甚至寵物就不要讓他們在路邊拿取或食祭品喇。緊記，跟「朋友仔」爭食從來沒有好結果的。
七月十四盂蘭節︳19.飯插筷子變拜祭
可能大家細細個成日會做，都不明白為何會比人鬧。原來「飯插筷子」就是拜祭才會這樣做，如果你想「朋友仔」Share 你碗飯，不妨試下。
七月十四盂蘭節︳20.半夜慶祝生日
如果大家真的有朋友農曆7月生日，就唔好同朋友夜晚慶祝、吹蠟燭、切蛋糕。可能會發現你的朋友突然變多了，甚至有多幾個人跟你唱生日歌。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
