譚詠麟自爆推掉主持《聲生不息》原因 再爆曾志偉力邀一重任遭其拒絕

熱話

廣告

譚詠麟早就北望神州,但為了宣傳新碟,近日忽然再度活躍香港樂壇,以校長身份點評時下新人,點名激讚炎明熹、曾比特同陳凱詠(Jace),更大方送上「必紅貼士」,真係唔話得﹗譚詠麟宣傳大碟的同時,大爆《聲生不息》本來係由佢做嘅,但後來因為撞期忍痛推job,誤爆王祖藍原來係執二攤﹗

譚詠麟預告現身《聲生不息》?﹗同Sam組隊比賽?

譚詠麟接受傳媒訪問時,話自己有收睇《聲生不息》,雖然做唔成主持,不過就開晒聲話好想做特邀嘉賓,好似之前的張智霖、周柏豪咁去比試吓﹗

譚詠麟 譚詠麟近日為宣傳新碟,四出做訪問,內容都幾juicy﹗
譚詠麟近日為宣傳新碟,四出做訪問,內容都幾juicy﹗(圖片來源:微博@譚詠麟)

佢仲話最想可以同阿Lam林子祥合作﹗好好諗頭嘅譚校長仲提議搵阿Lam同時搵埋阿Sam(許冠傑),加埋佢阿Tam,三個am組隊3am作賽,好有信心會贏,不過唔知阿Sam同阿Lam肯唔肯制啫﹗就算組唔成隊,話晒老友曾志偉依家貴為無綫高層,校長開到話想上去玩吓,一定無任歡迎兼去安排,譚校長似乎係預告將會現身《聲生不息》。

譚詠麟 《聲生不息》有不少前輩級歌手落場比賽,包括林子祥﹗
《聲生不息》有不少前輩級歌手落場比賽,包括林子祥﹗(圖片來源:芒果TV《聲生不息》截圖)
譚詠麟 仲有葉蒨文﹗
仲有葉蒨文﹗(圖片來源:芒果TV《聲生不息》截圖)
譚詠麟 王祖藍主持《聲生不息》時也會一展歌喉﹗
王祖藍主持《聲生不息》時會一展歌喉﹗(圖片來源:芒果TV《聲生不息》截圖)
譚詠麟 2017年譚詠麟曾孖許冠傑開騷,不過講到叫阿Sam一齊參加《聲生不息》,阿倫話估阿Sam唔制﹗
2017年譚詠麟曾孖許冠傑開騷,不過講到叫阿Sam一齊參加《聲生不息》,阿倫話估阿Sam唔肯制﹗(圖片來源:新傳媒圖片庫)

瘋狂爆料為谷碟﹗

譚詠麟為宣傳籌備咗兩年的大碟,近來不停接受傳媒訪問,為了谷碟,不停爆料﹗譚詠麟又爆曾志偉一入主無綫時,曾力邀他一起入無綫做高層,一齊拍住上搞好個電視台,不過被譚校長一口拒絕,原因當年都試過拍住上搞StarEast(東方魅力),被曾志偉推做CEO嘅佢,從此一至五由朝開會開到黑,好多行政工作要,校長笑言見過鬼怕黑,唔會再應承曾志偉去幫佢﹗

譚詠麟 曾志偉與譚詠麟是多年老友,好著數當然會預大家﹗
曾志偉與譚詠麟是多年老友,有著數當然會預大家﹗(圖片來源:新傳媒圖片庫)
譚詠麟 StarEast東方魅力)由曾志偉、陳百祥、譚詠麟等人創立的娛樂上市公司,同時經營餐飲業,有傳當年梅艷芳都有份科水集資﹗
StarEast(東方魅力)由曾志偉、陳百祥、譚詠麟等人創立的娛樂上市公司,同時經營餐飲業,有傳當年梅艷芳有份科水集資﹗(圖片來源:新傳媒圖片庫)

拒絕曾志偉邀請做無綫高層

不過譚校長又唔會完全斷自己後路,反提議可以福䘵壽合作做綜藝節目﹗但做無綫高層就咪搞佢,又要重整架構,又要度新節目仲要顧埋收視兼管行政,咁辛苦就咪搞佢咁話喎,佢仲爆當日被曾志偉盛情力邀,為了拒絕對方驚到電話都唔敢接喎﹗

譚詠麟 譚詠麟建議福䘵壽合體搞綜藝節目,收視會點呢?
譚詠麟建議福䘵壽合體搞綜藝節目,收視會點呢?(圖片來源:新傳媒圖片庫)

曾志偉啜爆性感女模影片詳情是?

近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更上前啜爆該名女模,女模的身份背景亦立即被網民起底⋯⋯詳情請看

《獎門人》 停播了何時才會復播?

《開心無敵獎門人》早前播出最後一集就宣布暫別幕前,令不少觀眾都大為不捨,身兼總經理要職的曾志偉透露只要「將下半年節目安排好」或者睇下有機會下半年復播⋯⋯詳情請看

圖片來源:微博@譚詠麟、新傳媒圖片庫、《聲生不息》截圖