觀塘海濱淪為「GenZ蘭桂坊」　隨街Free Kiss打茄輪　殘廁被指遍地避孕套

觀塘海濱公園淪為「Gen Z蘭桂坊」

本地YouTuber「EG大個仔」發佈影片，紀錄除夕夜到訪觀塘海濱，紀錄當晚實況。「EG大個仔」表示，當晚凌晨1點30分到達觀塘海濱，現場仍然人頭湧湧，大多為青年男女，片中「EG大個仔」訪問多名在場人士，不少人都表示見到有不少人進行「Free Kiss」和「Free Hug」活動，當中亦不乏疑似未成年人士。其中一位受訪男生自誇「一日攬咗70條女」，另外有批17歲男女透露，不少人在觀塘海濱玩「Free Kiss」時太過投入，直接在現場「打茄輪」（法式濕吻），甚至坦言

「佢哋打完（茄輪）就會去殘廁，嗰到好多Condom（避孕套）。」

另一名14歲少女坦承「現場不時有人打交」，亦表示有人在觀塘海濱進行性行為；當「EG大個仔」再詳細追問是否在殘疾廁所，該少女就笑言「可以咁講，可以咁講」，他隨即走到傳聞廁所位置，只見廁所門外有長長人龍，他笑指「如果呢啲人排隊去廁所是為了X嘢（性交），咁都幾辛苦。」

在場女生：氣氛好自由

該少女又指「觀塘海濱比蘭桂坊還要好玩，這裡的氣氛非常自由」，片中亦見到大多年輕人都笑容滿面，玩得很盡興。「EG大個仔」隨後訪問到1位歐洲回港的少女，她直言現場聞到有大麻味「行過嗰邊，我哋聞到有大麻味，我係歐洲都成日聞到呢啲味。」此外，影片中亦不時見到有煙霧飄散，相信有在場人士在人群中吸煙；而地面上也散落著大量的酒瓶、食物包裝和其他垃圾。

「EG大個仔」逗留到凌晨5點多才離開現場，他總結影片表示

「呢到近乎無外國人……嚟得呢到嘅人，講真呀，你問嘅話，大家嘅意圖都很明顯……入面係到打茄輪，係到攬嘅情況係多到爆，啲仔會嘅嘢，係入面女都會做嘅。」

網民表示：睇完好震撼

影片引起網民熱烈討論，不少網民都表示震驚「震撼咗，唔認老都唔得。」、「老人家我睇呢條片，好似睇生態紀錄片咁，即刻share多俾幾個fds觀摩」、「依家啲小朋友真係好早熟，毛都未生齊玩咁嘅野」、「睇threads以為係傳說，原來咁堅，真係老」、「宜家D未成年人發生咩事。雖然自己係00後，但係睇完呢條片我覺得過咗疫情嗰一代未成年太過早熟，玩得好癲……懷疑自己係咪太守舊」、「街童變奏版」、「完全跟唔上佢地嘅思維，睇完條片頭好痛」、「支酒個個都飲，都唔知有無落藥」、「00後，我睇完好震撼」。