【藍橘子】《貪平參加平價潛水團,差啲連命都無》

熱話

廣告

【藍橘子】《貪平參加平價潛水團,差啲連命都無》

text-藍橘子photo-電影截圖﹑Youtube截圖

內容由博客提供及授權轉載,不代表本刊立場

是咁的,我一直以來都好嚮往潛水呢樣活動。有次同女朋友去峇里旅行,聽聞海底好多珊瑚礁,心諗終於有機會了!

20160613070416-69

去到峇里當地,因為好多地方都需要用車,旅行社幫我哋安排咗個司機,每日去邊由我決定,司機再每日計算車費,就好似Taxi一樣,重點係司機識講英文,方便溝通。

20

我同司機講想去潛水,亦畀咗預先搜集好嘅資料佢睇。呢個時候惡夢就開始發生,司機話我搵嘅潛水好貴,佢知道有個地方,

只係需要畀一半價錢,就可以深潛半小時,仲有一對二私人教練添。

我呢種cheap精一聽到即時雙眼發亮,問清楚冇其他附加費之後,司機拍晒心口話OK~OK~,於是我就決定信佢一次。

0-1

去到現場,係一個完全無人嘅海灘。得幾個眼神銳利嘅當地人坐咗喺度,旁邊有幾件潛水衣好似晒咸魚咁掛咗喺度。

司機用當地語言同佢地溝通完一輪,其中一個教練叫我同女朋友各自換咗件潛水衣先,我發現件衫

有啲鬆,仲有少少穿窿,教練話OKOK…

12368452

另一邊廂,快艇已經準備好可以出發。我同女朋友坐上快艇,教練就帶我哋去潛水地點,佢話路程只需要十分鐘,而會喺呢十分鐘教曉我潛水。

我以為自己聽錯,定係教練講笑…潛水十分鐘學得識?有咩可能啊?

手势6

結果,教練完全無教我任何潛水知識,只係將兩個手勢教咗我…

一個係OK,一個係有問題,要上水。

眨吓眼嚟到潛水場地,教練亦一邊OK一邊幫我同女朋友戴好氧氣瓶,問我透唔透到氣,我一點頭,就二話不說就叫我哋落水。

hajiwon_scuba5

我起初以為可以喺海面練習吓,試用吓對蛙鞋。點知教練喺我膊頭撳咗一下唔知咩制,我成個人就

不受控地沉咗落去。

Running.Man.E250.150607.HDTV.H264.540p-SS.mkv_snapshot_00.48.04_[2015.07.03_01.10.31]

落到海底,發現自己真係呼吸到,都唔算太驚嚇,教練亦開始好似拖狗散步咁喺海底四圍遊。但恐怖嘅事情就喺呢刻發生喇!

我望一望女朋友,發現佢個面罩完全入晒水,佢都不停指向上,話想上返水面。

本來我以為會同女朋友一齊上返水,點知教練用手勢叫我捉實海底舊石,然後擺出一個OK手勢,佢就帶我女朋友上返水。

d4

而我,就被遺留咗喺海底,足足十分鐘…

當時我喺一望無際嘅海底不斷諗,如果教練搵唔返我,我又唔識點樣令自己浮,氧氣瓶大約只得半

粒鐘氧氣,我應唔應該吸一口氣,除晒所有潛水衣,浮上水面呢?

d3

幸好,最後教練都有落嚟海底搵返我,潛水時間亦啱啱好夠三十分鐘,被拉返上水面。

總結呢次潛水經歷,我有一半時間係攬住舊石,心情驚多過開心。臨走前教練仲問我happy唔happy,我笑笑口,講咗句中文「OK你老…」

受到今次教訓,以後如參加危險性嘅活動,都係唔好貪平安全啲。

scuba_diver_p3130362

內容延讀:
【藍橘子】《有種生物叫「 正能樣 」》
>>> LIKE我們fb <<<
fb.com/newmonday.com.hk

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!