【藍橘子】如果呢個世界上有「老豆老母傳心師」就好了

熱話

廣告

【藍橘子】如果呢個世界上有「老豆老母傳心師」就好了

text-藍橘子 photo-電視劇截圖、電影截圖、Youtube截圖

部分內容由博客提供及授權轉載,不代表本刊立場!

如果呢個世界上真係有「動物傳心師」,人類可以同動物溝通。
我都好想有一個「老豆老母傳心師」,可以畀我知道屋企人諗乜,可以順利表達心意地溝通…

藍橘子,愛回家,傳心術

以前細細個,連返學去過幾多次廁所都會同屋企人講。
唔知由幾時開始,總覺得父母好囉嗦,每同佢哋講一句,就會還返十句意見畀我。

藍橘子,愛回家,傳心術

到我畢業出嚟做嘢,同父母傾計嘅時間就愈來愈少。
每次嘅交談內容,總係圍繞住幾樣嘢…

藍橘子,愛回家,傳心術

「賺咁多錢,幾時畀多啲家用?」
「淨係識得駁嘴,點解你咁不孝,小心畀雷劈!」
「我養你咁多年,你就要有責任養返我。」

【藍橘子】如果呢個世界上有「老豆老母傳心師」就好了

有頭毛邊個想做癩瘌,試問有邊個想做不孝子?

我都好想做一個孝順仔啊,但我成日都覺得,如果我盲目順從,將自己心底裡嘅意見屈喺心入面,
扮演一個乖乖仔…

【藍橘子】如果呢個世界上有「老豆老母傳心師」就好了

唔通呢種真係「孝順」咩?
正因為佢哋係我父母,我更想將心入面嗰句講出嚟,我希望要一個平等討論,而唔係用父母身份壓制…

【藍橘子】如果呢個世界上有「老豆老母傳心師」就好了

每日放工返到屋企,就會急急腳走入房,連眼神接觸都覺得尷尬。

即使係同一張枱食飯,父母望住電視,我望住部ipad。我睇美劇,佢哋睇tvb,連娛樂話題都唔一樣。

【藍橘子】如果呢個世界上有「老豆老母傳心師」就好了

仲有一樣禁忌相信大家都知道,就係千祈唔好同父母討論政治!當父母睇住新聞,見到班示威者被
警察毆打,而拍手叫好話呢班年輕人「抵死!哈哈!打多幾棍啦!」

父母表達意見,並唔係想你討論,佢哋只想你認同佢。只要你唔認同,你就係唔尊重、唔見慣世面。

【藍橘子】如果呢個世界上有「老豆老母傳心師」就好了

如果有一個老豆老母傳心師,可以幫我瞭解父母想法,你話幾好呢?
好似傳心師咁講,改變自己粒子形態,變成一排粒子,父母就即時接收到我嘅想法。

【藍橘子】如果呢個世界上有「老豆老母傳心師」就好了

其實我知道,父母係真心對我好,亦好錫我,只係表達方式用錯咗。
我亦好想做一個孝順仔,可以同父母食飯時暢所欲言,而唔係一開口就鬧交…

【藍橘子】如果呢個世界上有「老豆老母傳心師」就好了

如果有人仲係覺得「父母生你出嚟咁辛苦養大你!你就有責任要報答父母!唔可以逆佢意!」

我覺得呢種想法好唔尊重「父母」兩個字,因為呢種只係極權統治奴隸嘅手法。

 

內容延讀:

【藍橘子】《去婚紗展就見識到咩叫神級推銷》

>>> LIKE我們fb <<<
fb.com/newmonday.com.hk

 

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!