【藍橘子】《旺角唔止有大媽團，仲有菲律賓工人霸佔天橋》
回想番十幾年前MK界必備潮物「喇叭褲」、老翻碟、網吧…通通都喺旺角搵到。
佔領時期旺角有份，魚蛋…又有份。到而家大媽歌舞團都係集中喺旺角，話題鬧得熱烘烘。
先撇開政治層面唔講，大媽團真係好阻街同埋製造噪音。雖然你可以話「你唔鍾意聽咪唔好去旺角
囉。」但我本身住旺角，每星期六、日嘈到唔想返屋企…
另外我想講，去旺角東鐵路站嗰條天橋，每逢星期日都塞滿菲律賓工人，佢哋基本上同佔領無分別
，中間得番條小通道畀人行，點解無人去處理？
菲律賓工人的確幫助香港好多家庭，有啲父母都因為忙於工作，佢哋就負責照顧老人家或小朋友。
但都唔代表佢哋可以隨意阻街吧…
香港有好多公園根本無人會去，聚會可以去呢啲地方，菲律賓工人未至於窮到連車費都無，佢哋聚
集喺旺角同中環，照道理都係要搭車。
我知一定會有人話：「佢哋好慘㗎！離鄉背井！而家連聚會都唔畀啊？！」
雖然睇落去似普通聚會，但如果你親身去望真啲，就會發現有幾檔會賣食物同飲品，係非法擺賣…
點解香港小販要好似隻狗咁被人趕走，但菲律賓工人喺天橋擺晒檔攤就包容呢？
而最大問題係當夜晚佢哋要返屋企繼續工作，天橋會遺留極多垃圾，需要清潔工人去清理…
雖然香港地細人多，但未至於連一個畀人聚會嘅地方都無。
好多地方已經被非香港居民霸佔，執法人員亦擺到明「對人不對事」，或者呢個亦都係最代表到香
港呢一刻嘅狀態。
內容延讀：
【藍橘子】《約極都約唔成嘅飯局，原來時間真係沖淡一切，包括友情》
>>>LIKE我們fb<<<
fb.com/newmonday.com.hk
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
