【藍橘子】千年難得一見，女朋友竟然幫我打掃
【藍橘子】千年難得一見，女朋友竟然幫我打掃
text-藍橘子 photo-電視截圖、Youtube截圖、網上圖片 edit-希彤
部分內容由博客提供及授權轉載，不代表本刊立場！
我女朋友真係一個懶霸，杯水放喺佢面前，都要我伸手幫佢拎。明明行兩步就可以開冷氣，熱到出晒汗都唔肯開。
女朋友鍾意乾淨整潔，但唔鍾意動手去抹嘢打掃。平時佢只係會指揮我去抹…
最近喺旺角租咗一個丁屎咁細嘅單位，離開父母懷抱展開獨立生涯。睇屋時感覺唔錯，又無臭味，周圍都好整潔，心諗丟晒舊傢俬應該就好乾淨。
點知人算不如天算，當我租咗個單位之後，一搬起張舊梳化諗住丟，我頂佢個肺！個梳化底收埋勁多垃圾！
滿地好似倒黑芝麻咁嘅曱甴屎，荒廢咗嘅曱甴卵殼，仲有幾本陳年鹹書。
少少垃圾啫，嚇我唔到嘅！到我走入房，將床架嘅木板揭開，我冷笑咗幾聲，包括有未開過嘅藍罐曲奇、利是封、日曆、雜誌…全部擺喺床底！
到底前一手住客係咪當咗張床係「時間錦囊」啊？！想將啲過期日曆寄畀十年後嘅自己啊？！
我仰天咆哮一聲，心諗今次有排清潔了！
「呢幾個星期我要開始搬嘢同清潔，妳留喺屋企啦，唔出街喇。」我。
「唔得！」女朋友。
「妳唔好咁任性啦，妳知唔知我有好多嘢要執…」當我講到一半，女朋友話：
「我要幫你手一齊搬，雖然我唔夠力，但都可以幫你清潔吖～」
本來我以為佢講就叻，到最後都係我做晒。
但估唔到，女朋友一早就嚟到我屋企，幫我搬啲衫褲去新屋，行幾層樓梯搬到身水身汗，一句怨言都無。
最令我震驚嘅係，平時最憎打掃嘅佢，竟然幫手抹地抹牆，清晒全屋垃圾…
「妳、妳平時唔係一抹嘢就腰痠背痛咩？」我。
「係啊，但呢個係我哋屋企嘛，一齊清潔乾淨佢囉～」女朋友。
男人能夠搵到一個肯為你掃地抹屋嘅女朋友，一個字！娶得過！
不過女人就係咁天真…
平時踢極都唔肯郁，懶到出汁。
突然轉死性任勞任怨，原來就係為咗「將來」兩個字，
而佢唯一嘅回報就係，變成一個願意幫你打掃嘅太太。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
