胡慧沖自爆「衰多口」疑被落降 手揞心口面容痛苦 網民：胡思亂想

胡慧沖自爆疑似中降頭 身體出現3大徵狀

昨日，胡慧冲在Facebook曬出一張自拍，當中見到他沒精打采一隻手捂着心口的照片，他在貼文中表示懷疑俾人落降頭：「我懷疑我俾人落咗降頭，真人真事！但可能有機會我想多咗，不過夢境真係好實在，夢見泰國好好人帶了我去一個佛寺，跟住給了一些東西我，夢境非常清楚，而且同時間出現兩次！之後醒來成身骨痛又肚痾」

不過，身邊的同事就認為被落降頭的機會不大，因為情況一定會比想像中複雜，於是胡慧沖就會酒店休息，不過身體開始出現更多不同的徵狀：「到傍晚，突然之間全身發冷，回到酒店房間熄咗冷氣都凍到好緊要，又肚痾。心諗莫非我衰多口，跟住對方知道懲罰我？幸好有香港醫生為我介紹了一些藥，酒店在蘇梅島替我買了，之後足足3小時超級凍⋯⋯之後開始而家熱番，在酒店房食少少嘢，希望今晚會好快啲好返」最後他說到：「好好人係呢一科識落降頭都唔出奇，可能大家真係有啲誤會，又或者可能我諗多咗，希望唔係。」

網民安慰：應該係中「不瘦降」！

帖文一出後引起討論，不少網民都認為胡慧沖想太多，紛紛表示：「『不瘦降』有可能，其他降應該唔會！中降唔係呢個眼神，特別係眼輪。小心感冒菌入腸就真！Take the good care！」、「冷親啫冇事嘅， 叫咗你酒店冷氣唔好開咁凍」、「你有無去過啲咩地方呀？我睇你個樣唔似比人落降喎⋯⋯」、「你姓胡，叫思亂想！」、「可能攝親，感冒嘅症狀似啲」、「症狀似腸胃炎…最近我試過」、「由細到大未病過？」

「好好人」真身唔講得？

不過亦有人就好奇表示，文中提及的「好好人」到底是誰，不過胡慧沖就以「噓」的Emoji符號回應，疑似叫網民不要追問。今日（15/11）胡慧沖再次在Facebook發文報平安，當中表示：「多謝大家的關心身體已轉好了，但依然有作嘔，可能因為悶得濟悶到嘔…..」

胡慧沖直擊泰國槍擊案 引網民討論

今年10月，泰國曼谷暹羅百麗宮購物中心發生槍擊事故，剛好胡慧沖身處案發現場，雖然現場氣氛緊張，大批顧客都在保安員的協助下急急離開商場，但胡慧沖居然即刻打開相機邊走邊拍攝直擊現場，認真大膽。有部分網民大讚胡慧沖夠專業又搏命，不過都係安全要緊；亦有網民狠批胡慧沖自私，為咗拍片仲施施然慢慢行，隨時會影響埋其他保安人員和遊客們的生命安全。