打工仔被拖糧 見工反被HR問「係咪你有問題」 終用1舉動秒殺對方
打工仔被前公司拖糧毅然辭職 新工HR面試反問：「你被拖糧唔覺得係你自己有問題？」
香港人出名鍾意返工，因此假如突然裸辭的話，十有八九因為難忍舊公司的某些人和事。早前，一位打工仔就在裸辭後重新出發搵工，而當他去面試時，不意外地被HR詢問「上一份工點解辭職？」，而事主亦十分坦白地回應指因為「拖糧，每個月都遲十日八日先出。」原以為這條問題只是簡單的開場白，豈料HR的回答竟十分驚人！
HR聽畢反問1問題 事主鬧爆：有衝動拎杯水淋佢
HR聽完事主指因為被「拖糧」而離開舊公司後，竟即時反問事主指「有冇諗過你自己有咩問題，所以公司至會拖你糧？」事主指自己當時的第一個反應是極度愕然，不解為何HR會「叫畀人拖糧嘅受害者反省」，隨後便開始感到生氣，更形容當時枱上有杯水，他「有少少衝動想一嘢淋埋去」，然後以其人之道還其人之身，反問HR「你有冇諗過自己有咩問題，所以我先會淋X你？」
事主即取回資料走人 網民力撐：面試就見真章都係好事
幸好事主當時十分理智，僅在聽完HR的反問後「冷笑咗一聲」，隨後問HR取回他帶上去見工的正本reference letter然後走人。當他取回所有重要資料離開時，HR更在身後追問「你去邊？未in完喎！」事主揚言HR「咁嘅問題都問得出」、「呢份工唔見都唔使恨啦」，而網民亦大讚事主的舉動「有勇氣」，只因「拖糧係違法」、「佢點解問得出？」，更有網民笑稱他是「良心HR」，只因他用盡方法「暗示呢間公司都會對佢地覺得有問題既員工拖糧」，絕對是「用心良苦」。
資料來源：《辦公室日報》
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨，信不信由你！不少朋友都喜歡想當年，香港懷舊小食及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！