美腿是如何煉成?8大美腿條件你中幾多?

熱話

廣告

如果有靚女經過,你第一眼會望邊?一對屬於夏天嘅美腿相信逃唔過你法眼。究竟一對真美腿要有咩條件?幼就係最好?有腳毛就係罪過?《Addoil》就嚴選左八大條件。你估要做「腿后」真係咁易咩。

撰文:Kevin Au、白仔| 圖片來源:IG

女生8大美腿條件

1.雙腿要夠白

所謂「一白遮三醜,一黑就毀所有」。只要腿夠白,比賽都未開始已經贏左一半。而且白淨嘅美腿會為整個外觀大加分,男仔一望到就已經心心眼。

2.大腿中間要有空隙

如果兩條腿痴到實一實, 咁即係你條腿太粗喇。而且大腿中間有空隙亦都會更加吸引男仔有暇想嘅空間,所以如果你大腿中間痴實,就要努力做下運動減大腿啦!

3.唔可以太幼

唔可以太肥亦唔可以太瘦腿,呢個條件同呀媽去街市斬叉燒一樣。如果太幼就會變咗好似兩條竹籤一樣,仲會畀人覺得好似一打風就會吹斷隻腳一樣。

4.雙腿要夠直

筆直嘅美腿可觀性最高,而且雙腿夠直更加會令到人覺得雙腿更修長,更加吸晴!甚麼 O 型腳 A 型腳通通唔合格。

5.腿部有肌肉更加好

一雙美腿係會肥瘦均勻,最好嘅美腿更加要有肌肉,咁樣睇上去線條會更加靚。腿部嘅線條亦都會俾男仔一種好吸引嘅感覺,女仔們記住保持雙腿修長嘅時候,都要練一練線條呀!

6.樣子都係重要一環

雖然係講緊美腿條件,但係其實樣都係好重要嘅一環,你唔可以要求一個男仔淨係睇你隻腳就夠,你嘅樣子往往都決定咗佢會唔會向下望嘅慾望。

7.不能有太多疤

如果將美腿比喻為藝術品的話,咁雙腳上嘅疤就好似有人將藝術品刮花一樣。所以雙腿最好係冇疤,雖然呢個好似都幾高難度,但係最好就少之又少啦!

8.著波鞋有分加

呢個條件睇落幾怪,但係男仔鐘意冇辦法,因為著波鞋會有種中性又帶運動嘅美感。所以著上一對波鞋,絕對會為你嘅美腿大加分!

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!