網民出手對付中國侵權偷片！唔使洗版式Report！一招令影片數小時下架

網民出手對付中國侵權偷片

因為中國網絡問題，所以多年來一直未能順利連上不少外國網站，亦因此國內亦有不少「搬運工」將外圖影片「搬運」到國內影片平台。雖然中國網民對此舉大多都是默默支持，因為的確讓一眾網民能欣賞到更多節目。不過這些「搬運」行為就成為一眾影片創作者的心傷處，因為自己原創影片竟有不被問准的情況下，在內地被人侵權更上載到其他平台以圖利。

日前香港Youtuber「Hebe」就發現自己原創影片在內地被人侵權，更上載到其他平台。Hebe在Youtube上多上傳自家製作八、九十年代港產電影有關的資料短片，如當時電影場境拍攝地點等，訂閱人數超過6萬。「希比」黃亦彤係電台主持同YouTuber，而家主持《晨早彤樂園》，曾經主持過《原來生活好快樂》、《電玩一族》、《星之CAR比》。YouTube Channel（HEBEFACE）主要介紹香港電影聖地巡遊、打機直播、生活日常等等的內容。

Hebe表示雖然曾經向相關影片平台反映被「偷片」，不過對方處理速度極慢，隨時更不了了之。之後他決定用上「奇招」，在自家製作的影片中加入一些有機會在中國被視為敏感的字眼。當中國網民或平台看到「被偷」作品便即會舉報，結果影片就會快至數小時被下架。

同場加映

【港產片】麻雀大俠當年住邊？新年必睇賀歲片《嚦咕嚦咕新年財》聖地景點巡禮

嚦咕嚦咕新年財聖地1. 麻雀大俠大戰師奶殺手嘅地方（尖沙咀海防道臨時街市）

電影一開頭德華幫師奶朋友討回公道，走入街市同有「師奶殺手」稱號嘅青雲老豆大戰。咁從戲中可以見到街市外面有拱形樓梯，同埋有石柱嘅建築物，入面仲有檔賣魚嘅聯興鮮魚，所以就係尖沙咀嘅海防道臨時街市！過咗咁多年裝修過之後就轉晒位，不過天井嘅鐵支架就比較少有，而且一直無改變！

嚦咕嚦咕新年財聖地2. 麻雀大俠遇上前女友嘅地方（九龍城南角道）

麻雀大俠嘅女朋友詠琪，曾經做過空姐、交通警同稅務局職員，咁喺做交通警遇上喺車度瞓緊教嘅德華。呢度原來係九龍城南角道，附近係賣一啲佛教用具，仲有樂善堂內嘅球場，不過當時戲中附近嘅舖頭就執得七七八八。

嚦咕嚦咕新年財聖地3. 麻雀大俠教女友牌品嘅地方（九龍城冠和酒莊）

女友詠琪人品差到一個點，所以牌品都好差。德華孖住佢去咗一間「X和酒莊」度打返幾局，當時仲教佢「人品，好牌品自然好」嘅大道理。原來呢度係一間75年老舖「冠和酒莊」，位於候王道九龍城街市附近，隔離有間九龍城獅子會學生健康服務中心。

嚦咕嚦咕新年財聖地4. 天樂被人扼打麻雀嘅地方（荔景祖堯邨）

斯斯文文，呆呆濟濟嘅麻雀大俠細佬天樂，喺一個屋村入面食咗個波餅，再被人扼咗去打麻雀，最後輸清光嘅地方，其實就係荔景祖堯邨嘅空地平台，呢度嘅錯層式屋村設計，可以話係香港絕無僅有，亦好有80、90年代嘅味道！

嚦咕嚦咕新年財聖地5. 麻雀大俠風光時住嘅豪宅（石澳）

德華由爛賭二變身成麻雀大俠，贏錢好風光嘅時候，當然住豪宅靚屋喇！原來間大屋豪宅係位於石澳郊區，建築外型獨特又只得一層，大屋仲係對住海景同哥爾夫球場。

嚦咕嚦咕新年財聖地6. 麻雀大俠落難時住嘅公屋（彩虹邨）

德華多次拒絕詠琪嘅愛意，詠琪太嬲嬲豬就詛咒德華一世摸爛牌，結果風光嘅麻雀大俠輸晒身家，仲落難住公屋。雖然德華落難，但係詠琪都會去搵吓佢，電影有一幕詠琪將垃圾倒出街，見到對面係基華小學，所以呢度就係彩虹邨！

嚦咕嚦咕新年財聖地7. 老人癡呆阿媽叫外賣撞見德華嘅地方（西貢龍蝦灣路）

德華阿媽患有老人癡呆，於是成日唔記得佢個仔，有一次阿媽叫外賣叫到走咗出屋，拎住個電話撞到喺便利店前打緊麻雀嘅德華。出咗屋個條路其實就係西貢嘅龍蝦灣路，不過好搞笑地阿媽住間屋係深井嘅名苑度取景，兩個地方係唔同！

嚦咕嚦咕新年財聖地8. 青雲嘅聚腳地（觀塘駿業街）

電影入面麻雀大俠打過好多局牌，其中比較重要，戲份比較重嘅就係一間酒家，青雲同佢老豆，仲有班手下嘅聚腳地。原來呢度係觀塘駿業街嘅富多寶海鮮酒家，不過酒家已經多年前清盤，後來變成悅軒海鮮酒家，但係而家都係執埋。

想知道更詳細介紹，同埋更多嘅取景地，可以睇返希比以下兩條片！