索過真女人!4大超索變性人

熱話

廣告

美國名人Caitlyn Jenner(原名 Bruce Jenner)變性後,即刻做咗《Vanity Fair》封面女郎,成為全球焦點,更得到大部分人嘅支持同鼓勵。而喺香港呢個好似好open,但其實保守得很嘅社會,性別認同係個好敏感話題。直到而家,重有好多人用歧視嘅眼光,去睇變性呢樣嘢。其實1個人敢面對自我、克服恐懼去做番自己,係需要極大勇氣,你可以唔認同,但一定要尊重!

除咗韓國嘅河莉秀,以下4個當紅變性人,個個有樣有身材,絕對唔輸俾一般女人。想化下妝,試試做女人嘅滋味?重有教學片睇。Be yourself,be happy!

Text-Emily(ig:emkiuuuuuuuu) photo-網上圖片

1. Caitlyn Jenner

第1個要講嘅,當然係新鮮滾熱辣嘅Caitlyn Jenner。原名Bruce Jenner嘅佢,係76年奧運男子十項全能嘅金牌選手,兼係名模Kendall Jenner嘅爸爸、名媛Kim Kardashian嘅繼父。

雖然已經65歲,但有心唔怕遲,最近終於完全變性手術,以Caitlyn Jenner新身分登上《Vanity Fair》雜誌封面,擁有36D澎湃身材嘅佢真係索過好多後生女。而佢新開嘅Twitter account更喺短短4個幾鐘之內,獲得100萬個followers,破埋美國總統奧巴馬個紀錄之餘,重得到奧巴馬、Lady Gaga同Sam Smith等人喺Twitter公開支持,好大股正能量啊!

內容延讀

睇完4大變性索女,即check你有冇無手電恐慌症

Emoji又有新嘢,今次加推負面版,原來背後好有意義!

2.竹內亞美

日本宅男出名口味獨特,但原來幼齒、人妻已經out咗,變性人先係佢哋最新嘅寵兒。當中嘅表表者就係竹內亞美。同HKT48(AKB48支隊)成員指原莉乃撞樣嘅佢,原名係小野雄治郎,5年前曾經參加過泰國變性選美大賽,勇奪亞軍。最近開始水着女星身分進攻寫真界,推出DVD處女作《Deep Love》,銷量重好理想添!

左面係竹內亞美,右邊係指原莉乃,好似竹內亞美贏喎!

 

3.佐藤佳代

除咗竹內亞美,不得不提嘅重有「日本第一變性美女」佐藤佳代。擁有天使面孔、魔鬼身材嘅佢,15歲就已經開始注射荷爾蒙針,10年公開自己變性人身分之後走紅,曾經喺日本盛事Tokyo Girls Collection到行過騷。今年重登上成人雜誌《週刊Playboy》拍水着寫真,成功冧掂大批男粉絲,成為新一代宅男女神。

睇真啲,其實佢有少少似我女神北川景子,唔怪得咁省鏡啦!

內容延讀

睇完4大變性索女,即check你有冇無手電恐慌症

Emoji又有新嘢,今次加推負面版,原來背後好有意義!

 

4.Poyd

有「泰國最美變性人」稱號嘅Poyd(全名Treechada Petcharat,又名Nong Poy),曾經喺電影《掃毒》入面同張家輝激吻而成為一時佳話。望住佢完美無瑕嘅body,加埋驚豔嘅美貌,令到身為女人嘅筆者,都不禁懷疑其實自己係咪男人……

Poyd喺得幾歲嘅時候已經覺得自己唔係男仔,18歲時毅然接受變性手術做個真女人,之後參加變性人選美比賽輕易贏咗個冠軍。佢拍完《掃毒》開始爆紅,喺今年年頭上映嘅《賭城風雲II》入面,更加同發哥有對手戲,喺東南亞、中國大陸地區愈嚟愈紅。

男化女妝!

變性手術所帶嚟嘅皮肉之痛,絕對唔係一般人都可以忍受。亦都係因為呢個原因,令到唔少「男兒身,女兒心」嘅人士對變性手術卻步。其實外國有唔少男Youtuber,都有拍video教人化妝整頭扮女人,好似以下介紹嘅Marc Zapanta,就最叻扮女明星。最近佢就教人扮Taylor Swift,扮靚技巧絕對唔輸俾女仔,想學嘅,就即刻睇片啦!

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There are 5 comments

Add yours

Comments are closed.