港男移英後分享工作體驗 表示完勝香港好爽
廣告
相信大家移民後最擔心嘅問題入面搵工必定係其一，最近就有一個任職資訊科技（IT）行業嘅移英港男分享喺英國工作咗一段時間嘅感受，更加形容英國對比香港有三大優點，包括工作量比香港較少、完成工作嘅時間無咁趕急，同埋人工絕對比香港高，表示「chill過喺香港勁多」，帖文引起網上熱論。
港男表示喺英國返工放鬆好多
26歲嘅移英港男喺連登討論區發文，表示喺英國返咗幾個月工，幾舒服，更加形容「英國工作chill過喺香港勁多」，主要因為「workload低啲」、「畀多好多時間你做」同埋「份糧扣完稅都多過香港份糧」，而且可以自由選擇「work from home」（在家工作），表示：「從來無諗過work life balance係真」，亦都好慶幸有下定決心移民，見識一下世界去認識唔同嘅人。
英國更加重視IT行業
港男表示自己暫時一年嘅人工稅前約＄6萬英鎊（約＄58萬港元），不過因為喺英國自己一個住要交租，所以扣除租金後唔太儲到錢，不過表示：「呢到真係重視IT人，畀高好多人工，做同一個role但呢到出多好多」帖文一出即刻引嚟網民熱議表示「好正」、「係幾爽，多返好多私人時間陪屋企人」、「應該係香港underpaid得好緊要」，不過都有網民表示並唔係每個行業都如樓主講得咁輕鬆。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
圖片來源：YouTube@Tanned Derek, 《IT狗》劇照, LIHKG討論區截圖
