白人夫婦生黑人女兒 真相大反轉
廣告
英國一名女作家最近出書大講自己嘅身世，表示自己嘅父母係一對白人夫婦，但自己一出世就係深色皮膚同黑色捲髮等等，而屋企人對外宣稱自己嘅特殊情況係因為隔代遺傳。雖然生理特徵唔相似，但父親一直將佢視為己出亦無追問原因，直到父親患癌離世5年後，女事主先決定接受DNA檢驗，令事件嘅真相終於浮上水面。
「隔代遺傳」的確有可能發生
前段時間前港姐陳凱琳（Grace）嘅龍鳳胎胞弟Derek喺父親節同爸爸嘅溫馨合照受到網民質疑父子樣貌差距太大，「抽水王」林作都揚言願意比100萬等Derek父子去驗DNA以證明關係。不過事實上「隔代遺傳」的確有可能發生，曾經就有內地夫婦生出好似外國人嘅孩子，經過多次親子鑑定都證實係親生關係。但呢種「醫學奇跡」實屬罕見，甚至好多時候都係媽媽嘅謊言。
接受DNA檢驗 媽媽講出真相
英國黑人女作家喬治娜（Georgina Lawton）嘅母親來自愛爾蘭克萊爾郡（Clare）一個名為Spanish Point嘅小鎮，而當地大部份人都係屬於多種族混血，所以對外宣稱喬治娜屬於隔代遺傳。不過直至父親患癌離世之後，喬治娜決定接受DNA測試先發現自己有43％尼日利亞人血統，後來親自向母親對質先知道自己嘅真實身世，母親最終承認當年佢曾經喺酒吧同1名黑人男子一夜情，先誕下喬治娜。
圖片來源：[email protected], [email protected]_hcc
