以疫情為由外賣唔肯送上樓 網民大呻：咁我做咩叫外賣

外送公司防疫政策

第五波Omicron疫情嚴峻，早前確診人數甚至過萬宗，好多大廈都曾經被圍封強檢，標榜為「確診大廈」，因而好多都唔同的送貨、外賣公司都實施咗嘅政策以應對疫情，好似順豐的防疫政策就暫停咗所有上門收派的服務，派件只會派到大廈附近，市民需自行取貨。而2大外賣平台foodpanda及戶戶送主要建議市民選擇「無接觸送遞服務」。foodpanda的防疫政策指市民可要求外送員送到門前、大堂或其他指定位置，如果係確診大廈就只可以送到大堂。

網民：錢你又收足，擺喺大堂就當一單

最近唔少網民就於討論區大爆發，不滿外賣員都唔肯送到門前，揭露指自己住緊的地方並非確診大廈，但唔少外賣員都唔肯送外賣到門前，一出post，就引起唔少網民熱討，發現唔少網民都遇到同樣情況，表示「所有外賣唔肯送上樓嘅，一律report冇收過貨！」「要我落樓下拎，駛叫外賣？」「唔送上門真係好反智」「如果要落去拎咁我不如自己落去買算，又要換衫又要帶口罩，咁同落街買個飯有咩分別」「而家個個返工未又係戴住口罩照做嘢，你上一上樓又有幾大風險呀？平時去咁多間餐廳拎外賣。去咁多唔同地方送外賣又唔危險啦喎？唔想送就咪做啦」「又話我屋企係有人確診，明明睇過衛生署個網址見唔到，樓下通告都冇寫，仲呃我話係確診大廈只會放喺樓下大堂，咁我自己出街買都得啦」「試過話放左係樓下，落到樓乜都無」「我三兩日嗌一次，久唔久都有一個叫我落去拎，次次都話公司唔比，公司唔比咁平時送上嚟個啲係咩事？同埋揀咗無接觸，我大門有門柄比佢掛住，我走去report foodpanda都無話唔比上喎」「錢你又收足，擺喺大堂就當一單，一日做幾多單？開口埋口又話手停口停，你唔好叫戶戶送，改名叫棟棟送喇」「真 依班人真係多藉口，轉個頭咪除口罩食煙，一樣搭巴士小巴地鐵，但送你門口就佢會中招咁」「唔洗上樓做多單，棟棟送賺到笑」「外賣app 唔收咁貴咪體諒吓佢囉，收咁貴重想我落樓？」另有網民就問係咪因為公司或是樓下看更唔俾外送員上樓，先會放喺大堂，「棟樓係主動唔俾外賣送上樓，管理處開咗張長枱專俾人放外賣」但網民就表示唔係「大廈保安叫佢探熱咋，佢放底即走，大廈冇人確診呀！」

投訴機制完全無用？

有唔少網民提出解決方法，指如果唔肯送上門，就「report冇收過貨」，不過網民就話似乎無咩用「你report 嘅話嗰間公司頭一兩次可能會送返優惠券俾你，再report 多幾次就知你玩嘢分分鐘block 你」「report咗其實外賣仔錢照收，呢個先係問題」。

就投訴後只有一段似乎是系統式的道歉內容，完全沒有任何表示。

外送員：公司有條例指可自行決定

社交平台有外送員指因為送上門而不幸中招，而且有外送員亦反映：「依個係公司官方指引，俾外賣員自行決定送唔送疫廈，本身我就唔怕一定送上門，除非大廈唔俾送 但係遇到你依啲咁串話唔送上門就投訴report，我一律踢單送翻餐廳，等你慢慢等，本身你可能用多一兩個字落大堂攞就有得食，而家你要等多半個鐘九個字，你自己諗。」