灣仔吉野家結業、變身「大歡戈」！平賣$19粟米魚柳飯、免費「續飯」！網民：真身原來係中國品牌！
廣告
由「金槍人」呂以村（現已改名呂茂正）開創嘅「大家食」相信唔少人都認識，估唔到有網民發現灣仔吉野家分店結業後，突然變成一間「大歡戈」進駐。到底「大歡戈」係咩來頭？點解引嚟咁多網民熱話？即刻睇睇！
撰文：海月 ｜圖片：大歡戈
（圖片來源：大歡戈）
灣仔吉野家結業、變身「大歡戈」
近年香港吉野家業務明顯萎縮，日前有網民發現吉野家灣仔分店結業後，由一間名叫「大歡戈」的餐廳進駐。由「金槍人」呂以村（現已改名呂茂正）開創嘅「大家食」相信唔少人都認識，咁個名同樣特別嘅「大歡戈」到底係咩來頭？
呢間「大歡戈」餐牌價錢非常平民貼地，早餐方面最平更係$15就有一碗「香菇滑雞麵」，而午餐更係逆市奇蹟，相當便宜，$19已有粟米魚柳飯，更配小菜及更可免費「續飯」（添飯），加$5即配飲品及無限添飲。
不過就有網民發現原來咁平嘅「大歡戈」，係中國著名連鎖火鍋店──「海底撈」旗下嘅餐廳，更有網民表示：睇唔明Menu！改咗繁體字都係搣唔甩果陣味！
原來因為餐牌菜式名稱並非香港用語，如「雞腿」、「地瓜」、「續飯」等，不過最爆笑嘅係英文譯名，如「加$5配飲品」英文為「＋$5 Yuan With Drinks」。
不過亦有網民表示要支持！
餐廳：大歡戈
地址：灣仔灣仔道165-171號樂基中心地下A1舖（顯示地圖）
電話：2383 6003
營業時間：星期一至日 7am-10pm
Facebook專頁：大歡戈 DAAI FUN GWO
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
關鍵詞
大歡戈
