澳洲人試香港屋邨美食　大讚牛雜粉好好食

澳洲人Brandan早前試香港的沙嗲牛肉麵，不但食評誠實，而且廣東話流利貼地，引起香港人關注。他指澳洲的公屋是「美食沙漠」，於是他決定帶大家試食3間香港公屋邨美食，包括銀都冰室、冠華粥麵、合發小食。

香港屋邨美食｜01 銀都冰室：雞皮好脆

第一站Brandan就到了「平民豪宅」的香港仔華富邨，走入有50幾年歷史的銀都冰室，叫了一碟港式鮮茄豬扒意粉及即炸雞髀。他指：「呢個意粉腍betbet，茄汁啱哂小朋友口味」、「豬扒脂肪分布平均，好好食，好過癮」，即炸雞髀塊皮好脆，更不小心燙親咀，不過就鹹味不足。

除此之外，Brandan又大讚銀都冰室的環境很好，有歷史圖片掛牆，又有舊式地磚、具50年以上傢俬，坐得好舒服。最後評分：性價比3分；環境4分；味道2分。

香港屋邨美食｜02 冠華粥麵：牛雜粉好抵食

第二站Brandan到了荃灣石圍角邨的冠華粥麵，點了一碟燒賣、牛雜粉、牛腩撈麵。他大讚店內的自家製辣椒油好香，不過就太辣，大概是譚食三小辣的辣度。

然後試食牛雜粉，他表示：「湯底好清，一啲都唔熱氣。牛肺入口即溶； 牛肚好有咬口、 牛大腸都唔腥」、「呢個牛雜粉我畀好高分」。

最後試食牛腩撈麵，大讚肉有脂肪好好食，然後再為大家示範用「港式沾麵」的食法。最後評分：性價比4分；環境1分；味道4分。

香港屋邨美食｜03 合發小食：好平

最後一站他來到了葵涌葵興邨，試食 $1 一件的合發小食，他買了煎釀三寶，試食後就指：「茄子就係茄子，無咩特別，不過唔熱，紅腸啲肉好硬，有啲奇怪」，仲加咗一粒一蚊牛丸，他指：「唔錯，幾大粒」。

整體而言，食物好平，但質素唔係好高，評分：性價比3分；環境1分；味道2分。