巴打:睇到想喊! 高質潮文《唉真係好想要女人》中晒毒L心聲 

熱話

廣告

最近討論區上好似都冇咩高質潮文,但最近終於出現一篇《唉真係好想要女人》嘅文章,道盡毒L恨有女嘅心情,唔少網友都好有共鳴!連唔係毒L嘅游學修都讚文筆好,話想朗誦一次喎!另外杜汶澤都like咗,唔知杜生會唔會喺自己嘅網台節目演繹一下呢?相信威力比得上佢當年聲演《3D肉蒲團》投訴文嘅震撼喎!

原文:東方新地|圖片:Lihkg.com |編輯:C @Central

高質潮文《唉真係好想要女人》中晒毒L心聲

全文如下:

但自己條件真係好差
果欄佬
菜檔佬
碼頭咕喱
我就係佢哋既後生版
社會最底層
大陸妹都唔吼
但又可以點
就算發奮搵錢
到頭來女人跟你
都係為生活
畀你X畀你kiss又點
一望佢眼神都知咩事
算啦
男人講到尾都係想女人認同
想威
就算女人瞓低任你魚肉
佢個心點諗
你知佢知
佢都知你知佢知

由細到大
讀咁多書
搵食又艱難
以為搵到兩個錢就溝到女
溝到一件事
嫁埋畀你生埋細路一件事
但佢個心點諗先
幾多女人嫁畀d柒頭
半推半就又好
睇錯又好
後悔又好
男人老咗
知道老婆原來大半世人個心都唔喺度
仲慘X過從來冇鍾意過自己冇X過kiss過

現實就係現實
付出幾多都唔及你本身就有條件
有d條件
你付出多一萬年都唔及人哋一出世就有
但又可以點
女人唔會因為唔公平而可憐你
就算可憐
但歌都有得唱
愛可不是憐憫
如果因為報恩/戥你慘而一齊
咁不如唔好一齊
點扮都唔會係嗰回事


人愈大愈想只係默默付出
唔奢求付出咗就換取到關注
因為都講咗呢d只係交易
鍾意就係鍾意
感覺就係感覺
但付出可以係單方面嘅祝願
就算自己喺遠處
就算大時大節聖誕行年宵
離遠望住自己鍾意嘅女人
同佢心愛嘅男人
仲有佢哋生嘅細路
一家人睇煙花
即使自己只係一條友
佢開心就夠了
唔會畀自己幻想超越常理
偶然同佢老公仔女行過我哋初遇嗰間舖頭外
只要有一秒諗返起我
我就心滿意足

默默付出
默默為自己鍾意嘅女人誠心祝願
默默心底裡守護佢
係咪一齊已經唔重要
愈係想要女人
愈係唔想溝女
溝到佢個人溝唔到佢個心
倒不如就咁坐喺度
有女埋身自己又唔抗拒嘅就為佢付出
佢想走就走
唔會留佢
永遠都係要做到
最卑微嘅角色
係卑微唔係卑賤
唔會卑賤到跪喺度唉佢求佢
要走嘅自然會走
佢有佢嘅原因
一諗到自己俾女人需要,利用
一諗到自己隨時ready為女人付出
唔求回報
甚至唔求一句多謝唔該
粒聲唔出幫佢
幫咗都唔知嗰隻
特登唔畀佢知
唔想佢覺得虧欠我
even我咁冇用
總之我一日仲有剩餘用得著嘅地方

一日都會刮光刮淨自己僅餘嘅價值
直到自己得番個冇靈魂嘅殼
係呢世人最美妙嘅安全感

游學修、杜汶澤都like

連唔係毒L嘅游學修都讚文筆好,話想朗誦一次喎!

見到杜汶澤都有like,相信網民都好有興趣聽佢聲演!

呢篇潮文引起唔少巴打嘅回響,個個都話睇到喊咗,唔推唔得!

推爆佢呀!篇文有聲㗎!

講中心聲!簡直係直插心口!

這些機會不屬於我的!是屬於外表正常嘅人的!

送番首歌畀大家聽先啦!唔好喊!

發完夢,叫完春,係時候一盤冷水淋醒你班毒L!

問心啦!你話女人要揀條件好嘅男人,你哋自己咪一樣要揀條件好嘅女人!

你話人揀你,其實你自己都揀緊人!

經典潮文重溫:《每個男人心裡面都有個黃翠如》

回想起早幾年,洪永城同黃翠如呢對好拍檔係公認嘅相襯,唔少人都希望佢哋喺現實中成為情侶,不過世事豈如人願‌~ 當時佢哋兩人喺《星和無綫電視大獎》嘅紅地氈上手拖手一幕撼動人心,而Tony亦喺接受訪問時向翠如BB示愛,佢哋未能開花結果就更令人惋惜。

 

之後有位深受感動嘅高登巴打就出咗一篇《每個男人心底都有一個黃翠如》嘅潮文,講述每個男人心底都會有一個情同手足、但又唔會相戀嘅女仔朋友;但當發現自己其實係愛對方嘅時候,對方已經心有所屬。字裡行間無盡唏噓,引起不少人共鳴,隨即喺網上瘋傳!

文章喺網上熱爆,當時連當事人翠如BB都有睇到,更於Facebook親自撰文回應!


唔單止每個男人心底裡都有個黃翠如,翠如BB一開首就話其實「每個人心裡面都有對黃翠如同洪永城」,因為太平實同普通,所以人人都可以輕易代入。翠如BB就話佢同Tony係一對會一齊嗌交、講心事同去旅行嘅好好朋友,不過心底裡好明白兩人唔可能成為情侶… 而且Tony「已經找到他的她」、而翠如「好像也找到了她的他」,所以現在只會互相祝福大家走得更好。小編將兩篇文再重新睇一次,眼淚又止不住了…

 

延伸閱讀:

Grad Din經典重溫 一張相睇穿男神同毒L

近日有網友重溫經典Grad Din照,討論毒L同MK仔喺女神bb眼中嘅分別,相中見到呢位靚女谷到盡晒事業線,同啲男同學攬頭攬頸,呢班同學仔真有艷福!

一張相睇穿男神同毒L

你以為女神bb大方得體,對所有人都一視同仁?咁你就錯了!唔通真係如網友所講,露肉程度係同你靚仔程度成正比?

有網友大笑:

「靚仔程度同露嘅程度成正比。」

「your face your fate。」

「個毒L其實樣唔差, 係對眼無乜神。」

潮文片女主角

唔講唔知,呢位性感Grad Din靚女係當年討論區潮文、《一生只想尋找一個肯挨麥記的女人》嘅女主角米曹 Mitena Cho,當年被捧為女神。

依家佢都一樣咁靚女~

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!