港鐵何文田站出口指示牌突改名 居民迷路：唔識返屋企 心水清網民揭改名原因

港鐵何文田站A出口指示牌突改名 愛民邨除名！？

港鐵近日將何文田站A出口懸掛天花板的指示牌，由原本清楚標示「愛民邨/何文田邨」更改為「朗賢峯」。而位於閘機對出的掛牆指示牌更加明顯，首行大字顯示「朗賢峯」，原本的「何文田邨」及「愛民邨」則被降至第五行及第八行的細字位置。這個近十年的出口指示牌，這次突然改動令原本熟悉指示牌的居民頓時失去方向感，需要重新適應新的標示方式。

愛民邨居民迷路：而家唔識返屋企

愛民邨居民李太接受媒體訪問時表示，當天下午正打算前往愛民邨，但離開閘機後卻對往哪個出口行有些猶豫不決。當被問及有否留意指示牌名稱的更改時，她困惑地回答「唔知，就係𠵱家我唔知去邊？」她直言「應該兩邊都寫埋，𠵱家唔識返屋企」，並擔心這個更改對其他不是經常來的市民並不方便。

心水清網民揭何文田站指示牌改名原因

事件在網上引發熱烈討論，網民意見呈現兩極化。有網民嘲笑居民的反應，留言「笑死，返左咁多年屋企，換個牌就話唔識返」、「誇張，行咗咁多年都唔識路？冇嘢搵嘢話，唔抵得人地改私樓名姐」。不過亦有網民提出建設性建議「用愛民邨／朗賢峯咪得囉」，認為可以同時標示兩個地標； 亦有部分街坊贊成改名， 「這是發展，為什麼要介意。」、「檔次高啲唔好咩」，不過也有居民認為叫「愛民邨」較具代表性，「改過好啲嘅名顯得果度高尚啲啩。我覺得愛民邨比較有代表性」。

另有網民直言港鐵更改屬正常，改名原因是「正常，因為個站係起嚟畀朗賢峯居民用，唔係畀你用」，「根本佢呢個地鐵站都唔係為我哋邨民起架啦 我媽由佢有到依家都鬧緊架，行去個站佢老人家最快都要15分鐘，個站係土瓜灣同紅磡果頭嘅中間，都唔近愛民何文田」、「港鐵啲指示牌，要畀錢先會寫個大厦名落去。係咁㗎喇，資本主義社會，好大程度上有錢嗰個話事權多啲。」、「甘（咁）事實真係一d都唔近兩條村 睇佢個水牌行到人都癲」。