港男判官上身：$72一碟餸太貴！大鬧餐廳「劏客」要求取消點單、網民竟然齊聲撐「呢邊」！
廣告
近年香港物價通漲明顯，就連M記20蚊餐都幾成25蚊，加上早前政府推出$5000消息券，令唔少鋪頭都偷偷加價。今次就有位港男到中菜館食飯，叫咗一碟$72嘅上海醬鴨，不過當上菜後就即時判官上身大叫「好貴」要回水，到底發生咩事令港男咁激動？即刻睇睇！
撰文：海月 ｜圖片：香港黑店大全 大踢爆 大大大Group
（圖片來源：香港黑店大全 大踢爆 大大大Group）
港男判官上身：$72一碟餸太貴！
近年香港物價通漲明顯，加上早前政府推出$5000消息券，令唔少鋪頭都偷偷加價。今次就有位港男到中菜館《江浙滬》食飯，並叫了一碟價值$72嘅上海醬鴨。事後港男於Facebook Group「香港黑店大全 大踢爆 大大大Group」發文並分享自己今次「中伏」食飯經歷，直指自己所叫嘅「上海醬鴨」收$72太貴，不但份量太少而且每件醬鴨亦「細到好似BB仔拳頭」。最後因為港男即時大鬧餐廳投訴，直指對方「劏客」，成功爭取餐廳取消自己點單。
當港男於Facebook「開心Share」完後，一眾網民都對港男行為極反感，更力指港男行為「肉酸」。有網民更表示如果同港男同枱食飯，絕對會因為「西客行為」而想離場。亦有人指現時一般食肆單餸其實都至少$50起跳，喺一間上海菜專門餐館點一個餸，都只係收$72可謂物超所值。而且「上海醬鴨」亦係「手工菜」，比起一般燒味飯難以比較，更有網民笑言：「好似BB仔拳頭」嘅鴨我都想食！最後港男以「潛水」消失於發文中。
其實今次港男投訴嘅「江浙滬」喺網上評價甚高，有銅鑼灣及尖沙咀兩間分店，不過就未知港男光顧是哪一間分店。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
