【一腳踏兩船】港男自爆出軌！問公司：10個月內可否請2次侍產假？

撰文：神仙b｜圖片：奴工處FB、TVB｜編輯：海月

「好男人」10個月內陪兩女友預產

作為一個好男人，另一半分娩時應該陪伴在旁。有港夫於社交平台出Post稱，自己舊年10月向公司申請侍產假陪老婆分娩及陪月。不過佢女朋友最近都懷咗孕，預產期係今年5月。

呢位巴打就好苦惱，我怕10個月內向公司請兩死侍產假，公司會唔批。咁佢就唔可以再做多次「好男人」。佢誠心誠意向一種網友問：「如果公司話10個月內唔可以請兩次侍產假，咁算唔算違反勞工條例？」

港男自爆出軌引來網民熱烈討論

帖文引來不少網民留言帖文，有唔少網民驚訝表示「我究竟睇咗啲咩？」。雖然有部份網民認真為港男解答，不過更多的是取笑諷刺事主，的確想享「齊人之福」唔容易啊！

亦有網民表示：

「為咗個5日假隨時家變，放完之後分分鐘無左份工，都唔知啲人唸咩」

不過亦有網民真心為事主出主意，想救他出苦海：

「照請假囉，話老婆早產」。

當然亦有人認真地建議港夫應致電勞工處詢問：

「問下勞工處，拖住兩個女人，又同期生點算囉」

有人好奇咁問：

今次請假係向老婆請假還是向老闆請假。

其實只要符合以下3個條件，男性僱員根據《僱傭條例》就可以就配偶／伴侶每次分娩享有5天侍產假，不過僱員須向公司提供嬰兒的出生證明書，其上記有僱員的姓名顯示為嬰兒父親。

條件1. 為初生嬰兒的父親或有嬰兒即將出生。

條件2. 按連續性合約受僱。

條件3. 已按法例的規定通知僱主。