力數香港西客7宗罪！被炒酒店員工：你哋報復式消費，只會令我哋仲辛苦

酒店員工被出警告信 力數香港西客7宗罪！

被炒酒店員工在網上大呻，指接待香港客人，經常都好難服侍，而因為客人的投訴，令到不少酒店從業員辭職，甚至被炒。他指出一間五星級酒店都唔例外。所以在Facebook 大呻同時，亦希望港人可以手下留情「你哋報復式消費，只會令我哋仲辛苦」，更大數港客7宗罪！

1)加熱食物但唔俾煮食費

員工指，自從封堂食後，不少客人都會帶外來食物到酒店，並要求加熱，不過卻不願付煮食費，然後投訴酒店。

2)零時零分送蛋糕

不少港人都喜歡封酒店慶生，更特別要求酒店踏正零時零分送蛋糕上門！不過，被炒酒店員工指因為太多住客渴望零時零分送蛋糕，但酒店通宵更同事人手有限，難以滿足每個客人要求。

3)食物質素差

疫情關係，令不少人都會在房中用餐，酒店亦有不少房中用膳Package，不過卻被不少港客投訴食物唔合格。員工指「又唔係新鮮滾熱辣封到你面前，又要送上房，你哋想啲食物質素可以去到幾好？」

4)酒店員工化身Foodpanda

疫情關係客人多數會叫外賣平台，將食物送到酒店，不過不少客人卻要求酒店員工送埋上門，加重酒店員工負擔。而且食完之後，應該收拾好，唔係叫房務部同事幫大家執手尾！

5)房務部同事的辛酸

被炒員工指不少外地旅客都會俾貼士，令房務員執房時都可以開心啲。他指出因為房務員人工本身已經低，加上貼士應該都可以幫補一下，不過港客俾貼士的機率應該少之又少。

6)打完卡投訴食物係凍？

員工建議送上房間的食物應該要快食，而不少影完相後，就投訴食物是凍的。

7)入住/退房排隊時間長

早前不少酒店都推出超抵房間優惠，令入住率偏高，入住與退房時間相近，變相排隊時間相對會較長，不過港客卻因此而投訴。

網友：香港客覺得自己高人一等

網友都對樓主的七宗罪表示認同，更認為香港客是難以服侍「覺得自己高人一等」「做過服務業最憎對本地客架啦」不過亦有網友表示唔讚同，覺得樓主講咁多都係想要貼士，更認為被少被出警告信都是酒店高層問題「講咁多野咪又係R 貼士」「其實啲公司有份做成, 係唔係都要啲員工食」

資料來源：連登討論區