Staycation又出事？網民：擺明打劫！港女入住本港酒店被要求賠$15000
Staycation又出事？港女入住本港酒店被要求賠$15000
家下Staycation大熱，不過早前就有港女網民在Facebook群組「Staycation HK Hotel – 留港宅度假 本地酒店住宿優惠」發文，向大家控訴入住「東南樓藝術酒店」的超不愉快經驗：
對於呢間酒店「東南樓」各花入各眼啦，我朋友住過，賠錢賠到嘔，呢啲咁嘅天然因素都要人賠，行李旁邊又話有筆跡，唔通企上去畫畫咩？牆紙日日曬住，自己舊化仲屈人賠，「嘥氣」，估計酒店房內，古董如有輕微損壞，照價賠償。
原來港女事主入住「東南樓酒店」已超過1年半，在首一年本是以「日租」其他房間，而之後半年就住在涉事房間中。港女事主表示入住初期酒店的服務、住宿體驗都非常不錯，不過在11月時酒店因房間有其他安排，所以需港女事主轉租其他房型。
之後因酒店其他房型同樣大幅加價，港女事主決定不再租住東南樓，但在Check out時酒店稱房間要跟入住時「一模一樣」，不過為始終住了一段時間，所有東西都有自然的老化、耗損。而酒店亦派出3名員工陪同港女事主檢查，亦發現有房間有多個位置「出事」，員工一口咬定話係港女整到有問題。最後，東南樓要求向Y小姐收取維修費用，包括：更換牆紙、執修底灰工程、窗簾連運費，金額合共港幣$15,500。
不過港女事主覺得完全不合理，雖然承認藍色膠跡係自己整到，不過其他損壞跟自己無關，不過因為「當時好驚」而不懂反應。
雖然港女事主在網上交代事件，不過網民反應就兩極，有人表示「咁都要賠、擺明打劫」，直指賠償金額不合理「少量損耗要人哋重新賠過成個裝修價錢，咁有少少老屈囉」。不過亦有網民覺得事主事發半年後才分享，有「反屈酒店」之嫌。不過最多人關心的，就是港女事主再無表示最終有否賠償，大家又點睇呢？
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
