貝遊日本 港女KOL車廂拍片搞到日本人黑面 網民：大鄉里出城！影衰晒！
廣告
香港人最討厭強國遊客喺香港搞亂擋，做埋晒啲唔文明嘅行為！不過香港人去外地旅行時，會唔會都做咗啲好令人厭惡嘅嘢而自己唔知呢？港女YouTuber阿貝@貝遊日本，成日去日本，YouTube channel又主打日本嘢，理應比一般香港人更了解當地文化，點知佢就係瀨咗嘢！話說佢最近去咗日本留學，咁就拍片直擊一下電車車廂喺早上繁忙時間擠迫嘅「盛況」，不過就犯咗日本人唔鍾意俾人影嘅禁忌，亦無視咗日本有「肖像權」呢樣嘢，兜口兜面影其他乘客，搞到人哋黑晒面！今次真係「7出香港」，出醜到日本了！
介紹下日本嘅電車係有幾迫？！
佢話想介紹下日本嘅電車喺繁忙時間係有幾迫幾恐怖喎！不過呢樣日本特色好似人人都知喎，真係需要介紹咩？
話說這位KOL表示，本身住的寄宿家庭距離日語學校，大概需要一個鐘車程。於是就為大家直擊當地坐車情況…
她在短片中表現無奈，覺得人貼人好難愛！但其實香港人日日都迫緊啦！港鐵朝朝早條條線都到沙甸魚咁啦！好出奇咩？
狂講好恐怖…
由於佢要轉幾次車，在轉車期間，佢係咁講：「好恐怖呀！好恐怖呀！好恐怖呀！好恐怖呀！好恐怖呀！」
又話第一程車的經過真係好辛苦好辛苦…
識得後製遮樣，即係知道日本人禁忌啦！咁仲影？
之後她在影片中表示，剛才在列車中被3個男人圍住，話自己衰在無經驗，言語間似乎有難言之隱。實際她遇到甚麼事她之後沒有詳細講，到底佢真係遇到「痴漢」？定係諗多咗？
佢話：「日本人點頂架？」日本人「忍得」係世界聞名嘅又！
日本有肖像權，唔可以亂咁影人哋個樣，否則就係犯法，拉得！
入鄉隨俗，將心比己，真係唔係人人想俾你影到！
後面個日本人疑似黑面！
日本人留言…
有日本人留言叫佢唔好亂咁影人。
亦都俾香港網民鬧爆。
大鄉里出城！未見過世面！
老老實實，佢係咪冇喺日本或者香港搭過地鐵？
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
