港女｜最鍾意改懶特別英文名 網民盤點20個讀都未必識讀
廣告
港女｜無論出嚟做嘢定返學都好，唔少人都會以英文名稱呼對方，亦有人用花名嚟代替，但部份英文名真係讀都未必識讀，搞到勁老尷，網民表示港女特別係鍾意改懶係與別不同嘅英文名，更於討論區發文盤點多達20個出來，引發極大共鳴！大家又聽過幾多個呢？睇嚟總有一個會喺左近！
事源係有巴打就發現公司有啲女同事好鍾意叫啲「特別」嘅英文名，但最搞唔掂嘅係已經多到撞完名，仲要撞埋姓嘅地步，網民分享指：改cindy呀mary呀個啲行名唔X得架，一定唔可以同人撞名，點知今日公司請左個新同事叫Anastasia，但公司已經有三個Anastasia 仲要連姓都撞X左兩個。
唔係小編唔想讀，小編真係唔識讀啊⋯⋯有人分享指：識人叫vanalisuar，自稱意大利女神。
有冇考慮過人哋叫自己會點系列：
假設小編叫「Baby」，如果老細親切地呼喚小編的話，畫面太美實在不敢想象，更有人指：有個同事叫Lucianna，正宗港女。
食物系列：
唔少港人嘅英文名都同食物有關，表表者就當然有身型Fit到爆嘅Coffee啦！
水果名都真係又一熱門之選嚟⋯⋯蘋果、芒果呢啲真係見唔少㗎！如果有朋友中文名叫「陳蘋果」或者「張芒果」咁，都真係幾有趣⋯⋯
或者叫啲基本唔係人名嘅英文名⋯⋯想象下有人叫「黃空氣」或者係「李氧氣」咁，小編就不了！
撰文：東方新地圖片來源：連登討論區
