「新疆切糕」港人中招！ 切完唔買發展超失控：一刀下去馬雲都要落淚
港人目擊新疆切糕騙案全過程 發展超失控
近日在Facebook群組中「深圳大陸吃喝玩樂交流 (By Runhotel)」發帖文表示在蓮塘口岸見到有賣新疆切糕的攤檔，並目擊有港人受騙過程：「相信好多香港人對新疆切糕都較陌生，賣相幾特別，到底係點賣法呢？咩價錢呢？」就有客人好奇問到幾錢時，老闆隨即說到：「¥5 /兩，要上秤」客人表示要¥20左右，豈料隨後發展超失控，發文者表示：「客人無概念嘅時候，就會話『差不多』亦都可能會諗，應該唔會太貴掛，一刀下去，呢片¥110」
網民：一刀下去馬雲都要落淚
帖文引起不少網民熱烈討論，不少人都表示新疆切糕騙案並非第一日出現，卻沒有想到過有港人中伏：「有睇過抖音都知係伏」、「佢呢底嘢隨時值幾十萬，賣完可以返去買樓」、「呢啲新疆切糕，20年前我都中過計，切咗佢話幾多都得佢有刀佢夠惡」、「同尖咀藥房賣蔘無分別」、「呢個都食！唔睇醫生算你行運！佢地通常集中在文錦渡對出橋下用一少膠布放地下就開料」
「切後不買」下場隨時更慘！？
當中有網民認為只要「切後不買」對方亦耐你唔何，不過就有人表示這樣做下場隨時更慘：「係大陸一直係呢個操作，聽說過有的人切了不買還會被他們動武」、「新疆花生糖出咗名搶錢，切一片仔要百幾兩百，唔買即圍你，所以唔好亂試」、「千祈唔好買，問都唔好問，佢一切，你就要比錢，唔要？佢哋會發惡，拿起手上把刀凶人，成班人圍埋來，周圍嘅人都唔敢幫手的……真人真事！」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
