24歲波波黃婧靈被曾志偉寵幸極速上位 忽發感性文呻被同行排擠？

波波黃婧靈：不壓抑，我只順我天性 「劍神」張家朗好關注

波波黃婧靈近來言論大膽又惹火，經常語不驚人誓不休，近日忽然在社交網發感性文，意指不會理會別人的聲音，寧願孤獨也不做違背自己心意的事，佢寫住：

不管做什麼，不同人會有不同的聲音
最重要清楚自己的位置和想法
不壓抑，我只順我天性
寧願獨處也不強融，寧可孤獨也不違心
我想的事少，過簡單的日子，做最簡單的人。
#請好好用心過生活

網民：班姊妹眼紅你？

網民睇唔慣性感開嘅波波忽然感性，紛紛留言問佢咩事，又直接問「係咪被人排擠？唔使理人點睇喎﹗」、「同以前班好姊妹反目？」，有心水清網民更指昔日J2《 ＃後生仔傾吓偈》班女主持近月同波波似乎沒有任何交集，更指唔見有私下見面，追問波波係咪被佢哋排擠？

《後生仔》主持姊妹反目？

波波自上位後，行為言論都愈見大膽，有傳當年一起加入《後生仔》班主持，對波波甚有微言，知情人士爆料：「波波做《後生仔》時成日發夢但冇機心，呆呆哋好幾得大家鍾意，但依家佢變得好進取，同以前唔同晒，波波依家咁多jobs都冇時間搵《後生仔》班姊妹啦﹗」波波當年未改名，還叫黃凱儀時，與《後生仔》女主持陳欣茵、黃紫恩（JoJo）及杜穎珊（Sandy）因合作成為好友，不但結伴staycation慶生，又相約去離島玩，私下好好感情，但近月似乎好疏離，難怪被人察覺有異樣，加上波波一番言論，令外界有不少猜測﹗

波波自稱平易近人 無同行結怨

有傳媒搵到波波回應疑似被排擠一事，佢嘅回應時指自己最近睇書看到一些不錯又有共鳴的句子會記低，剛好出po時想不到caption，就文青上身，又指「我個名婧，即係女文青囉」，故套用別人的文字去表達自己的感受﹗講到被排擠，波波竟然咁答，佢話自己向來平易近人，同朋友及同事間都相處融洽，叫大家唔好誤會喎﹗波波話自己平易近人，真係太牽強﹗

講你都唔信｜曾志偉愛將波波任首集嘉賓

曾志偉3月時出山主持的《講你都唔信》每集會請不同嘉賓，分成兩組比賽，以不同主題大爆「秘密」，並由另一隊估內容真定假﹗首集嘉賓有「烈女隊」波波黃婧靈、江美儀及莊思敏，而「兄弟幫隊」有Bob林盛斌、范振鋒及王梓軒﹗