決戰 Bikini ! 8個出海前極速減肥瘦身方法

熱話

廣告

真心想問一句,點解呢幾日可以熱成咁?對於最憎夏天嘅小編嚟講,夏季唯一嘅貢獻,就係俾大家盡情去沙灘玩同開船P!買埋買埋咁多套 bikinis ,下星期終於有人約我去沙灘喇﹗不過低頭望一望,嘩,好大條水桶腰、好大個肚腩啊啊啊啊啊…點算好?學劉華話齋,非常時期要用非常手段,今次分享8個女明星同編輯部同事推介嘅極速減肥法。 Bikini ,等我啊!!!

text-Emily(ig:emkiuuuuuuuu)photo-網上圖片

 

必跟!4大索爆女星教路

1. 宋慧喬 狂飲檸檬水

宋慧喬天生有啲baby fat,但近呢兩年就keep到勁fit,完全冇反彈過。原來佢嘅方法就係1日至少飲3公升檸檬水,1公升加半個檸檬嘅檸檬汁分量就可以。除咗可以去水腫,重可以減低食慾同埋清理縮便。不過,如果你胃酸過多,就千其唔可亂試。

 

2. 舒淇 淨係食「草」

舒淇曾經為咗宣傳新戲,喺1星期入面減咗5公斤。佢嘅方法就係當自己係羊,淨係食「草」(菜)。每餐要食多種菜,均衡營養,調味料就只可以加幾粒鹽。另外可以食少少生果同核桃,不過最陰公都係,過咗夜晚6點就連草都冇得食,只可以飲水!

 

3.周秀娜 跑樓梯

娜姐身材有幾索,應該唔需要我再多講。比起節食,娜姐覺得做運動先係最快捷嘅減肥方法。而佢就最鐘意跑步,重要係喪跑樓梯,真係聽見到辛苦。所以話,想有fit爆body係要付出血汗嘅!

 

4.楊冪 水果當零食+急步行

又係1個fit到漏油嘅女星。女神楊冪話你知,要減肥,就咩零食都要戒,咩薯片、朱古力同糖嗰啲,全部都要講拜拜。忍唔到口嘅時候,就塞啲生果入口頂頂癮。另外,楊冪又話自己好鍾意行路,發現咗急步行可以極速收身。所以由呢刻開始,坐喺office嘅小編決定,無論起身去廁所,定係去pantry斟水,都會以競步方式進行。

內容延讀

着bikini要跟Sammi玩埋金屬紋身貼紙

教你化防溶妝,去沙灘都唔怕溶!

再嚟!編輯部同事推介 4個緊急減肥絕招!
講明先,以下嘅方法唔係人人都受得,同埋唔可以長期咁樣做,講到尾,健康先係最重要嘛。

1. 48小時斷食法
簡單嚟講就係連續48個鐘唔食嘢,淨係飲水,身體會喺呢段時間變成排泄mode,直接清腸胃。如果真係頂唔順太肚餓,可以食少少蘋果或者脫脂乳酪。

2.焗桑拿去水腫
呢個方法只適用於水腫型肥胖嘅人士,如果你覺得自己明明唔算肥,但成日睇落都腫脹,不妨出海前焗幾轉桑拿,焗完真係會一身輕。

3.齋食香蕉減肥法
好多年前曾經流行過,就係早午晚都淨係食香蕉,其他嘢全部都唔准食,同埋要狂飲水,維持飽肚感。呢招小編試過,堅係work,不過自此之後諗起香蕉都反胃咁啫…

4.戒甜嘢+澱粉質
戒晒所有甜嘅食物同飲品,同埋夜晚6點後唔可以食澱粉質,盡量淨係食菜。雖然睇落好普通,但做就好難,你諗吓連凍檸茶都冇得飲,係咪慘絕人寰先?

 

內容延讀

着bikini要跟Sammi玩埋金屬紋身貼紙

教你化防溶妝,去沙灘都唔怕溶!

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!