大廈禁「帶榴槤者」搭𨋢！網民創意奇招應對超爆笑：咁有臭狐點算？
撰文：Andy｜圖片：pexels、PLAY HARD 玩硬Facebook截圖｜編輯：海月
禁止帶榴槤者搭𨋢 網民創意解答極度惹笑
有網民喺Facebook群組「PLAY HARD 玩硬」發文求助，佢影相配字稱自己大廈唔俾人帶榴蓮入升降機，而佢又拿住3盒榴蓮。所以佢就問問網民到底點算好。
據悉，呢棟大廈係大角咀福全大廈。大堂升降機按摯附近有兩張由管理處貼出告示。告示提醒各位人士「攜帶榴槤者不得使用升降機」 、「攜帶榴槤者不可用升降機」。
網民紛紛留言建議 不少建議係升降機內食
網民見到呢篇post，紛紛留言提出意見幫手等佢可以帶榴槤上翻屋企。有人就話「放佢入𨋢，自己行樓梯」；更有人話會「入𨋢將盒子打開」等個𨋢充滿榴槤香味；仲有人提議成家人出動，分頭行事運送盒榴槤；仲有人提議既然榴槤唔運輸走，咁不如叫屋企人落來食曬佢～
水果之王榴槤營養價值高 但呢幾類人慎食
榴槤被稱為水果之王，其營養十分豐富；榴蓮含有豐富嘅蛋白質、維生素b、維生素c、鉀和其他微量元素。喺馬來西亞，榴槤嘅葉子和根部用來解熱，葉汁仲可以治療發燒嘅病患。
不過，100克榴槤中含有熱量147卡路里、脂肪5.33克和糖27.09克，所以腎病、心臟病患者應小心食用或者避免食用榴蓮啦。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
