林青霞豪宅喺公屋平民區 網民：夠唔夠卡士
廣告
飛鵝山一座豪宅喺本港8日凌晨發生三級火，其後發現豪宅嘅屋主係影后級女星林青霞，值得關注嘅係呢間豪宅十分之豪華，可以用堡壘去形容，現時嘅估值高達11億，屋內估計有20名家庭傭工。不過有網民喺討論區發帖表示，林青霞間豪宅附近都係公屋平民區，好似唔夠「卡士」。
林青霞豪宅佔地5萬幾平方呎 應有盡有
林青霞豪宅位於安達臣道9至11號，由幾間獨立屋組成，屋內有齊網球場、泳池、gym同書房等，十足一個屋苑，屋內仲有特大花園，24小時有保安。有網民就質疑豪宅位置處於安達臣道好似唔太夠「卡士」，因為附近地段都係公屋等，例如順利村、安泰村等，不過就有唔少網民覺得位置幾靚：「近民居，有生活氣息，住淺水灣有乜好，日日對住班垃圾。」、「佢富人就揸車落黎順利邨買餸，不知幾正。」亦有好多網民表示住咁耐先知原來一直都住喺影后附近。
唔少網民撐獨立屋唔洗講卡士
有網民表示林青霞原住飛鵝山大宅，不過由於早年飛鵝山太多山賊，林青霞老公刑李㷧為愛惜太太先喺普通地段買地自建高防大屋保障太太嘅安全。唔少網民都支持低調先係人上人，並表示：「獨立屋冇需要講卡士」、「人地青霞間屋嚮山上，居高臨下望住晒你地班公屋居屋人，咁都唔夠卡士？」。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
圖片來源：微博＠林青霞, Google Map截圖
