IKEA極速抽林超英水 官方回應超絕核 教埋你「條褲唔洗點處理」
林超英自爆「一個月唔洗褲」 IKEA即出Post抽水
早前，前天文台台長林超英在接受傳媒訪問時再度分享驚人生活習慣，指自己為慳水「條褲著足一個月都唔洗」，提出的理據是「人流汗主要集中喺上身，下身唔會流汗」，而且「名牌牛仔褲唔洗，大家又唔覺得有問題」，證明自己的做法合理。網民看到他的說法後都直指「接受唔到」，直言「齋諗個畫面都好臭」，更好奇「佢真係未試過下半身流汗咩，好荒謬」、「以為佢唔開冷氣但狂沖涼，點知褲都唔洗」，認為他的做法非常荒謬。
IKEA 再度極速抽水 順手宣傳自家涼感寢具系列
向來以抽水速度極快而出名的 IKEA 今次同樣緊貼時事，極速出 POST 抽水，Caption 是「我真係ok呀⋯唔熱呀⋯但可唔可以幫我買返一打嘅IKEA涼感寢具系列，thx！」，乘機推銷涼感寢具系列。配圖中的大猩猩身穿白 T，胸前早已濕透，下身穿著一條黑色長褲，手中拿著水杯非常悠閑，網民即問：「係咪姓林」？
網民笑爆：林超英啲汗都畀你抽埋
網民看到 IKEA 的極速抽水馬上留言表示支持，在不足一日已有4千多的讚好，網民大讚「小編加人工」、「你咁抽法，林超英都唔夠你玩」、「林超英啲汗都畀你抽埋」、「唔怪之無汗都俾你抽乾」「重點係件t-shirt濕到透」，有網民留言問道「林超英成日唔洗條褲要點部署」，小編再留言回覆「唔著要晾起佢」﹐亦有網民笑指「流哂汗得唔得架」，小編再抽「流汗唔代表我熱」，回應林超英的金句「熱，但唔辛苦」，不過，也有網民提議「猩猩膝頭無畫汗要重作」、「應該要賣埋風扇產品」、 「你件的確涼好襯你，下次換背心款」，留言踴躍。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
