撰文：海月丨圖片：Facebook

林作再三發功：拜登贏，我廣東道裸跑！網民：睇死佢實走數

林作跟麥明詩分手後，投身保險行業一直話題多多，喜歡引人注意兼宣傳自己。繼之前國泰裁員事件後，今次林作就「美國總統大選」再次發功。雖然美國總統大選，尚未知特朗普與拜登誰入主白宮，不過林作早前就發文開Post支持特朗普一定得，更揚言如果拜登贏出，就會在廣東道裸跑：「早在2015年，我就話，特朗普，一定得。5年過去，作為香港特朗普，我再次斷言：特朗普今次，都一定得。因為同香港一樣，美國政治需要有能力的明星。比起希拉里，拜登弱10皮。民調？我呸。如果拜登贏出，我夜晚12點放工廣東道裸跑一段為佢贈興又點話？咁夠薑？係啊，因為根本唔會發生。歷史，只是不斷地被重複」。

不過現時特朗普的比數大幅落後，大家都相當關心到底林作會否兌現所講「裸跑」，不過林作就表示「唔認為特朗普會輸」，如果「選舉最後被揭係不公義地令到特朗普輸呢，我係冇數可以找嘅」。「如果公平公正地特朗普係輸咗呢場選舉，咁我咪裸跑囉！鬧我走數？嚟囉！」。

最新更新！

林作：跑我就跑咗，我拍咗添啦！找數打格照瘋傳 一句「拜登贏，我廣東道裸跑！」

雖然之前林作「笠水」表示「冇數可找」，不過今日又自爆經已自行「找數」：「依家話你知，跑我就跑咗，我拍咗添啦！我依家係等幾時擺出嚟當找數咋。」更放出半夜戴住口罩落街裸跑相片，不過下半身就打哂「格仔」，「我就唔會『淆底』嘅，做定先等唔好咁多人圍觀嘛，畀人捕咗點算呀？」，而且更堅持當時「全裸無打底」。

雖然叫做「有相為証」，不過一眾網民就唔多受落喇。其後林作再次「戴定頭盔」：「特朗普下星期一定上Court囉，我呢個時候擺出嚟就太早喇。因為特朗普一定反擊嘅，我熟佢風格。你估我真係驚，Ｘ！我點會驚裸跑啫，做定添啦，畀你估到，仲係林作？」。

同場加映

逸東太子女發功！國泰航空日前宣布企業重組，裁減約8500個職位，其中包括5300名本港員工，同時停止營運國泰港龍航空。各行各業都向前國泰員工伸出援手，香港逸東酒店Eaton HK亦伸出援手，透過官方facebook公開邀請國泰被炒員工加盟，共渡時艱。不過另一廂，林作就表明「不會收留國泰前員工」，到底係咩一回事？即刻睇睇！

逸東酒店邀國泰被炒員工加盟！Eaton太子女羅寶璘發功 林作：不會收留國泰前員工. 網民：真係一個天堂一個地獄