東張西望｜女大學生實習被老闆強吻 留言反怪女生？網民：條友有前科！

《東張西望》︳揭實習生慘被老闆抽水

近日，《東張西望》揭露有實習生慘被老闆騷擾，一大班女實習生控訴被同一位老闆抽水，直指對方「人面獸心」。其中一個事主指自己當初從學校內聯網找到一份海外升學的公司，任職 Office Assistant，老闆是四十多歲的長輩，經常出現非必要的身體接觸，期間更不停傳訊息暗示自己單身騷擾對方，而事主一直逆來順受。

《東張西望》︳上班期間突被強吻　直呼：好核突啊！

於5月24日當天，老闆突然在員工面前強吻她，他「使走兩個男 Intern」，再以「想教我一啲嘢」為理由要求事主坐過來，更突然「無啦啦拉低我個口罩錫我囉」，事主直言「我覺得好核突囉！好污糟！我唔知點算好！我好驚，我講唔到嘢！」主持人李旻芳更聽到眼濕濕連忙安慰她。事主質問老闆的行為，老闆更只是說是一時衝動，女生衝去廁所直指「好核突啊！」，然而卻沒有報警。期間亦有考慮辭職，單因需要錢而沒有辭職，亦相信老闆只是一時衝動。

《東張西望》︳老闆送花齊坐摩天輪　女生不懂拒絕

之後老闆依然瘋狂示愛堅持是真愛，事主多次拒絕也沒有用，亦請求大學同學幫忙去拒絕老闆，而男同學亦有幫忙打電話去鬧爆老闆。老闆更送花給事主、要求事主一同去頒獎禮，完結後更帶事主去用餐並合照，之後帶事主去坐摩天輪，要求她拿著花拍照，事主指自己不知怎樣拒絕而照做﹐感到無助，更怕被炒而不敢拒絕。

《東張西望》︳網民留言：搵唔到理由支持女事主

雖然片段中的女事主聲淚俱下，但網民卻直指她好有問題「幫唔落」，認為「 除非老闆係有背景人士，令女事主被迫留下，否則搵唔到理由支持女事主。」、「明知老闆不斷搵機會抽你水，重唔識好好保護自己，重要著條咁短嘅裙跟老闆單獨應約，真係百思不得其解？？」、「事主都好有問題，點解第一次唔報警，第二、第三都係唔報，搞到最後先黎搵東張，係咪入面有內情，真係值得思考」、「條女係白癡定傻，明知老闆係變態仲多次單獨接觸比機會非禮你，哭乜呀！你自己是攞嚟！」

不過，也有網民認為不應該指責受害者，「事實係被騷擾嘅女仔唔單止有機會反應唔嚟、甚至會懷疑係自己誤會，直至明顯地肯定係騷擾嗰刻已經太遲！」

《東張西望》︳咁似之前搵老闆母子大罵女實習生事件？

雖然有唔少人都唔撐女事主，但有眼利的網民就認為事件有啲似早前有女網民喺討論區曾呻訴被顧主抽水一事！事源有一位女網民就喺討論區指自己係一位升year3的女大學生，人生第一次返intern，就遇到一位奇怪老闆。老闆不斷言語間不斷flirst該女大學生之餘，又不斷製造身體接觸，令該女生非常難受，就決定辭職，點知個老闆知道後就鬧爆佢，仲搵埋佢呀媽一齊鬧爆，係咁指責女學生，仲話要出信比我大學Professor投訴佢，令女學生嚇親。女學生表示無奈「intern仔一個 辭職都要俾人撳住嚟鬧」「老老實實就算幾唔鍾意佢，我都有做好本份做曬份project。因為呢份係我第一份intern，又係掂我有興趣嗰範，但係呢個老世我真係做唔到落去」並指分享呢件事希望唔好再有人受害。

事後討論區竟然仲爆出4位受害人，大爆其老闆勁有問題「我都係個度做過，個老闆奇x怪怪。未返工前見到我個icon係我隻寵物，就無啦啦講埋啲奇怪嘢。」「明明用緊滑鼠，佢係鍾意「唔小心」搭隻手上黎。」「佢一坐親隔離，又鍾意挨住隔離條友張凳，最經典個句「唔緊要啦大家坐close啲」「人生最x後悔真心係黎間公司做過，遇到啲嚇死人嘅老闆」「我都喺度做過，已經諗緊告唔告得佢騷擾」「燥狂症裙腳仔會成日就借啲意話傾公事，實情就係想抽水，會捉住你隻手叫你「坐埋啲啦 我冇病架」」不過都有網民認為應該唔係同一單。