東張西望|中三女學生被4男同學欺負大鬧 港媽向學校投訴結果超離譜
東張西望|中三女生被4男同學欺負 公開指責「臭X姣婆」
港媽於訪問中表示自己囡囡長期被4名男同學欺負,其中一位姓蘇的男同學不但在同學群組中經常無故公開責罵囡囡,訊息內容更不堪入目,不但粗口橫飛,更指囡囡「濫X姣婆」,長篇大論的訊息全都是辱罵字句。而群組內另外3位男同學更「助攻」,稱蘇同學為「博士」。
東張西望|蘇姓男同學課室失控辱罵囡囡 老師無法控制
港媽指,蘇姓男同學是最為激進的一個,除了訊息上騷擾囡囡,更有一次發生在課室內。「我個囡嗰堂唔係同佢哋同班,有次我個囡要去嗰個男同學班房上堂,到轉課室時男同學見我個囡坐喺位度,就行埋去大聲斥喝辱罵。當時有2位老師在場都阻止唔到佢,就叫同學護送我個囡走」。
港媽指自己曾想過是否囡囡做了什麼事得罪那群男生,惟經社工了解後仍未能從男生身上得出答案。而囡囡亦曾問男生是否自己做錯事,如果有便希望道歉了事,惟對方不為所動。到得知囡囡交了男朋友,4名男生更出言侮辱。
東張西望|囡囡不願上學 校方:交畀我哋處理
港媽眼見囡囡情緒出現問題,遂向校長投訴,校長當時了解事件後向港媽指有兩個選擇,「佢話一係就報警,一係就交畀佢處理,並指會好好跟進,確保同類事件唔會再發生」。而事後港媽收到校方通知,指涉事的男同學有3人收到口頭警告,有1名被記缺點,而男同學更稱會寫道歉信並承諾不會再犯。港媽指當時唯獨蘇姓男同學沒有寫道歉信,而疫情期間他更激進。
東張西望|男生網上自拍嘲笑:我將來會考警察凌駕法律之上
在同學的WhatsApp群組中,男同學不時自拍影片嘲笑囡囡,更扮喊地表示「好驚啊」,隨後又囂張地稱:「你告我囉,我第時會考警察咩都唔驚,警察係凌駕於法律㗎」。而港媽有感事態嚴重,囡囡亦不願上學,因而打算向學校反映情況,而校方此時稱了解過同學所為,他們指「因為太悶先咁做」。
東張西望|教育局:按機制辦事
但港媽認為校方的做法並無阻嚇性,於是想向教育局投訴,獲「按機制辦事」回應,於是她打算向學校取道歉信的副本再報警告男生誹謗,惟校方此時竟拒絕提供,並指「學生當時唔係自發性寫,封信無法提供畀家長」,令港媽大為震驚,並指「原來學校保護施害者而非受害者,竟可以隻手遮天到咁」。
東張西望|網民:睇到好嬲!
唔少網民睇到今次的報導都表示睇到好嬲!「睇到好嬲,好彩屋企人肯堅持」「欣賞媽媽嘅堅持,你唔單止教到你個女正確嘅價值觀,更加教到人哋啲仔做錯係要承擔責任」「媽媽為女兒取回尊嚴」「呢位家長講得好啱,學校只係想處理媽咪,多過想處理件事件,呢間學校真的非常卑劣,男學生欺負女事主,校方則欺負事主媽咪」「實在令人痛心,影響深遠。希望學校老師都能認真處理,不要讓那些人消遙法外。」
有沒有關於香港的有趣盤點?
香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?
有甚麼必學生活小智慧?
天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法及7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!