【杜如風】識揀唔識揀?

熱話

廣告

【Trend’s Like Wind by杜如風】最近小妹在自己的Facebook Fan Page內上載了1個全城識揀的video,並寫了1個題目:「想要未必等於自己需要,最緊要係啱自己,我都算好清楚自己要咩嘅人,但總有失手嘅時候。點樣可以做到揀親都啱自己,絕對係需要付出金錢同時間嘅一課,希望我愈來愈識揀!」小妹自問做了咁多年人,累積了很多經驗,有好的、有壞的,怎樣能夠愈來愈識揀呢?很簡單,就是你曾經不停不停不停地揀錯人,得到很多教訓,然後就愈來愈清楚自己需要甚麼人了!相等於我的偶像Michael Jordan說過:「I’ve failed over and over and over again in my life and that is why I succeed。」同一樣道理而已。

小女自問揀衫褲鞋襪很少出錯,但揀男人呢?0分!兼錯到爆燈!揀咗咁多年,都未揀到1個自己適合的,撞板多過食飯!身邊的姊妹們笑說:「你條命生得太好,人太幸福總有啲代價嘅,咪當呢個係你條命生得好嘅代價囉!」咁都得?好似牛頭唔搭馬嘴喎!「咁樣講,搵唔到個好男人即係等於條命唔好啦!」
不過經驗累積,至少知道自己應該找個怎麼樣的男人,太靚仔的太危險,醜樣的又揀唔落手,最恰當就是眼耳口鼻齊的男人了!不知怎的,人愈大,要求就愈高,可能因為自己工作上有一點點成績,生活水平高了,就自自然然想找個生活水平跟我一樣level的人,他做甚麼工作我沒所謂,不需要賺很多錢,但最緊要有上進心,和懂得氹我開心。最最最緊要的是:他一定要寵壞我,愈壞愈好,愈壞愈精采!我不用他幫我找卡數,但起碼都幫我交租吖!1個好男人要有承擔、有風度、懂包容,我不寄望1個男人會無條件地愛我一世,這世上,只有1個男人能做得到以上這件事,他就是我的爸爸!爸爸最近常常迫婚,可能因為他年老了,希望女兒可以找到1個依靠終老…⋯「但係,老竇,你今生寵我壞得那麼精采,根本冇可能搵到1個比你對我更好的男人了!」

好男人呀!你不是結了婚,就是同性戀者,why?講真,在香港,好男人真的所餘無幾,幸好我有份飛勻全世界的工作,成個世界咁多男人,我相信一定會找到1個願意寵壞我的!
不過,爸爸媽媽,你們還是要等等了!女兒現在工作至上,沒有太大興趣出去覓食,而且1個人自由自在,不知幾爽!要揀個適合自己的男人,只有2個字:並唔係功夫,一橫一直(因為「一橫一直」其實是4個字來的)!小妹這2個字就是「隨緣」。不強求會比較開心,希望很快會由求不得苦變成求得不苦吧!

 

text-杜如風

 

內容延讀:

識得揀,梗係揀真靚仔,杜如風話嘅!

又係杜如風話嘅,揀工人難過揀老公!

 

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There is 1 comment

Add yours
  1. 新Monday / 【杜如風】真!

    […] 【Trend’s Like Wind by 杜如風】很多讀者及觀眾們都說喜歡我的真、不造作、隨心而發,有些又會說很羨慕我可以做回自己、做回自己真的一面。老實說,有甚麼好羨慕,做回自己最簡單,有幾難?但實情是,我根本不懂得怎樣去假(即係未有咁高層次去扮假)!例如做旅遊節目:好吃的東西我會用盡10隻手指去吃到污糟邋遢,不好吃的東西我會照直講:「下次你嚟呢間餐廳,你千祈唔好嗌呢碟餸喇!」有看開我旅遊節目的觀眾,大抵都習慣了我這種直腸直肚、有碗話碗、有碟話碟的style!因為小妹覺得始終是從我自己的角度真心去推介給觀眾,如果連自己都過不了關,怎能介紹給觀眾呢? 記得曾經跟1位前度男友拍拖,他的哥哥也剛好有女朋友,於是逢禮拜日,我們會返他媽媽屋企吃飯打麻雀,成為了1個routine。男友的媽媽和他哥哥的女友都是麻將精,小妹卻是BB班,但很奇怪地,每個禮拜我也會出1招叫做「盲拳打死老師傅」,結果大贏家往往都是我。我不懂「鬆章」,也不懂「誅人」,只顧粒聲唔出地做自己的牌,但哥哥的女友跟我剛剛相反,奶奶前、奶奶後地氹得男友媽媽歡天喜地!又經常「鬆章」給「奶奶」,非常懂得奉承,兼聽到我毛管棟的⋯⋯這些⋯⋯我都不懂⋯⋯叫我怎樣學⋯⋯也學不懂!有時伯母還會因為我贏得太多而對我黑面呢(咁打麻將係咁架啦,總有輸贏啫)! […]


Comments are closed.