杜如風 換車 換男朋友

【杜如風】換車如換男朋友!

熱話

【Trend’s Like Wind by杜如風】小妹最近想換,主要原因是想爸爸坐得舒服一點,因為爸爸經常投訴我的戰車座椅是racing seat,令他坐得很不舒服,而且是雙門,母親大人要經常捐來捐去,每次媽媽捐去後座的時候,都會重複又重複又重複地埋怨!其實自己很愛我的戰車,這次忍痛的換車行動完全是為了方便爸爸,大家知不知道這叫做甚麼⋯…2個字⋯…不是「功夫」…⋯是「孝順」!

好,開始上網找尋1輛適合自己揸的四門車,嘩,原來網上售賣的車,猶如繁星一樣,簡直多過路面上的車輛!我不停看不停看,看了3日2夜,感覺竟然像找男朋友一樣!先看車廠,再看型號、年份、簡評及售價等等,四面楚歌地圍着這個男人分析分析分析再分析⋯…「喂,07年車喎!老咗啲喎,但係好穩陣喎,從來未撞過。」「唔,個款娘咗啲喎,唔係好襯我!」「咁Benz啦!」「唔,成街都係呢啲西裝友,一啲都唔特別!」「但係性能好喎!」「大把車性能都好架啦!」「我揀車最緊要快,最好曉飛嗰啲,有冇四門曉飛嘅車呢?」
嘩,原來揀車真的很難,好像揀男朋友一樣:又要年紀輕,又要做得嘢,品性又要好,又要夠高檔,最緊要夠特別,與眾不同,鶴立雞群一樣,哪裏找?

結果在網上找到1架你合適的車輛,然後就要去試車了!男朋友有冇得試用先架?
「炒咗啦!」女性駕駛者最擅長就是炒車。「咁你決定整番好佢,定係換過架新車呢?」有條件的女士就會乾脆換架新車,而最特別的是,有些女士就算要換1架新車,也會換回跟之前一模一樣的那款車輛,非常專一!沒條件的女士們就惟有繼續stuck with自己的舊車,有錢就整,冇錢就由得佢遍體鱗傷,也繼續陪着她周圍逛街!
最後,小妹還是找不到1架最適合自己的車輛,怎麼辦?乾脆搭隨傳隨到的的士算了!

text-杜如風

內容延讀:
【杜如風】真!

YOU MAY ALSO LIKE ...