小朋友整爛KKplus天線得得B公仔慘賠3萬多元 但今次家長唔駛考牌！？
小朋友整爛人哋店鋪5萬多元的公仔
事源22日一名家長帶同小朋友到朗豪坊一間店舖逛街，不幸小朋友整爛咗店鋪一隻標價5萬多元的1.8米天線得得B公仔！當時有網民就將事發照片擺咗上網，因金額偏大而被瘋傳，照片中父母蹺晒手好似指責做錯事低著頭的小朋友，而店員就無奈指著已粉碎一地的公仔。本來就照片所見，就如平日小朋友因貪玩整爛店鋪公仔的事件一般，不過今次事件就唔係咁簡單？
老屈小朋友「故意」整爛公仔 賠償3萬多元
事後家長原來有於網上表達感受，指自己雖然係責無旁貸，因為當時自己掛住睇嘢而無時刻留意住自己的小朋友，接住就聽到好大聲跌爛嘢的聲，見到公仔粉碎於地上，然後亦都立即賠償3萬多元，教訓自己個仔。不過該名家長就指出佢最嬲係因為原來店員當時第一時間係「屈」佢小朋友故意踢倒公仔，而佢事後收到疑似cctv的片段明顯只係小朋友想挨一挨唔小心「挨跌」了公仔，家長更指小朋友係因為當時人群太多，避開怕撞到人先挨落公仔，亦不明為何價值幾萬元的公仔無任何圍欄的東西去保護，認為並唔合理，直頭有「詐騙」的感覺。小朋友亦因此事件嚇到唔敢出聲，該家長形容個仔「成個人企咗喺度，彊晒，好驚」事後形容「好恐怖」！
網民爆料間嘢特登咁做等「水魚」！
唔少網民雖然都話真係個小朋友整爛無得抵賴，但都認同該名家長的說法，如果價值5萬多元的公仔應該要有圍欄等保護好，而唔係隨處放。亦有網民爆料，自己於一旁的店鋪工作，已經見證同樣的事情發生第4次，覺得係有心將公仔放於店鋪中心「等水魚」，又有網民放上舊照，指之前隻公仔係有圍欄去保護，並唔係就咁放於店鋪中心，認為係故意調動公仔的位置，甚至有網民指2021年已見過有人話隻公仔出現裂痕，又話隻公仔並唔值5萬多元等的說法。有網民仲話其實家長可以唔賠，10歲以下小朋友可無需負法律責任，而且有指該小朋友亦因此事受到驚嚇，甚至有造成心理陰影！
該店鋪發出聲明
店鋪澄清事情係經由雙方同意下已徹底解決，指出處理方法亦是由事主提出，而且該公仔的售價因為係原型、設計、運輸等加埋所以係5萬多元，更指出隻公仔已於去年11月放到而家，一直無對任何客人造成不便。看來此聲明係為了推翻眾網友的爆料，不過最該ig 已刪除該聲明。
KKplus天線得得B事件是什麼?
網上瘋傳有家長帶小朋友在朗豪坊收藏玩具店kkplus參觀時，小朋友疑不慎導致標價…詳情請看
KKplus 在得知天線得得B跌爛後第一回應是?
家長事後立即賠償，教訓自己個仔。不過該名家長就指出佢最嬲係因為原來店員當時第一時間係…詳情請看
