【2,000日迷投票】嚴選10大運動漫畫 足球小將 入樽排第幾？

雖然係咁，日本每年都刊載全新嘅運動漫畫，要成為大家心目中經典之作，一定離唔開努力、勇氣、友情呢3款指定元素。日本運動雜誌《Number Plus》喺網上就搞咗個「最強運動漫畫」選舉，總共2,233個投票者，每人可投選3部作品。以下最強10部運動漫畫，或者部分作品你聽都未聽過，不過可以放心嘅係，2大神作《 足球小將 》同《Slam Dunk》都榜上有名。如果俾你揀，你又係咪咁揀？

text-Oscar

3, 2, 1位係邊個？梗係到尾先話你知啦！

第10位 《柔道部物語》 作者：小林誠
呢套1985年至1991年期間連載嘅漫畫，講述「柔道素人」三五十五無端端加入咗學校嘅柔道部，並開始踏上主力之路。

第9位 《Giant Killing》 作者：辻智、綱本將也（原作）
呢套足球漫畫講述「魚腩球隊」East Tokyo United嚟咗個新教練達海猛，為球隊帶嚟衝擊，激起一班球員追撃強者嘅慾望。

睇埋其他最強「動漫」~運動漫畫！

 
內容延讀：

＞即睇14萬粒動漫節LEGO展區

＞睇埋《 足球小將 》明星隊最佳11人

第8位 《エースをねらえ!》 作者：山本鈴美香
70年代嘅作品，講述主角岡ひろみ加入網球部，目標要成為學界最強。呢部漫畫當選，唔少人都話非常欣賞女主角對網球好似熱戀者咁追求，其執着令大家印象深刻。

第7位 《巨人之星》 作者：梶原一騎
呢套6、70年代漫畫，講述主角番場蠻係個先天力量大但唔穩定嘅投球手，曾經發生意外，一度想離開巨人隊，但冰釋前嫌，最後成為有力量亦能穩定發揮嘅投球手，幫助巨人隊踏上王者之路。漫畫入面有多名真實棒球員登場，亦係fans最欣賞嘅地方。

第6位 《鐵拳浪子》 作者： 高森朝雄
拳擊漫畫嘅傳奇，講述「爛仔」矢吹丈經正統訓練後，成為職業拳手，更遇上佢生命中最重要嘅對手力石徹後，改變佢嘅一生。大家最深刻，一致都係話矢吹丈燃燒殆盡嘅一幕，經典得嚟亦非常感動。

第5位《キャプテン》 作者：ちばあきお
講述4代嘅隊長帶領下，棒球隊面對嘅挑戰。由於故事描述棒球隊嘅問題好到位，令讀者都有同感。

4、3、2、1係邊套漫畫？

 
內容延讀：

＞即睇14萬粒動漫節LEGO展區

＞睇埋《 足球小將 》明星隊最佳11人

第4位 《Touch》 作者：安達充
孿生兄弟達也同和也，都對青梅竹馬嘅小南有好感，不過和也喺一次意外中喪生，本來懶散嘅達也發憤，唔止喺甲子園成名，重贏得小南嘅芳心。故事除咗比賽過程緊張，亦為呢段三角戀而動容。

第3位 《ドカベン》 作者：水島新司
本來係套柔道漫畫，後來主角成隊人都去玩棒球，全隊人都以挑戰甲子園嘅強豪為目標進發。

第2位 《足球小將》 作者：高橋陽一
擁有好高足球天份嘅戴志偉，喺足球場上嘅成長過程，除咗個人技術，亦要同隊友充分合作，令到一眾熱愛足球嘅年輕足球員，都以呢套漫畫為憤鬥目標。

第1位 《Slam Dunk》 作者：井上雄彥
櫻木花道本身為咗追女仔而加入籃球部，後來成為主力之餘，更開始愛上籃球。多場比賽節奏明快緊張，而且多個場面都好經典。不過最令投票者覺得最強嘅地方，係1990年代，籃球喺日本未算流行，但呢套漫畫一出，突然多咗好多人打籃球，帶起整個籃球熱潮。

 
內容延讀：

＞即睇14萬粒動漫節LEGO展區

＞睇埋《 足球小將 》明星隊最佳11人